Mubombezyanje Ipeji Ilyapabwandilo pa JW.ORG mu Bulumbilili

Ipeji ilyapabwandilo pa webusayiti yitu pali inkani sona amavidiyo gho ghapangiwe ukuti ghabavwe abantu bo te Bakaboni ba Yehova loli bali ni chinyonywa. (Imbo. 13.48) Likulongosola inkani zyo zikwaghiwa mu nyuzi sona vyo abantu bakwinong’ona nu kunena.

Nkimba mungabombezya buli-buli ipeji ilyabwandilo pa jw.org mu bulumbilili?

• Mwennyanje pa webusayiti akabalilo kosi. Mwennyanje cho chabikiwapo nu kumanya mo mungachibombezezya imbombo pakumwavwa umuntu yo ali ni chinyonywa. (Ukuti mwennye ivyamwabo vyo vyabikiwa lulunu mubinde pa “Ennya Vyosi.”) Nanti mukwennya kabili-kabili vyo vyabikiwa pa webusayiti inti vibavwe ukuti mwaghe ifundo izipya zyo zingabavwa mu bulumbilili.

• Mubombezyanje inkani na mavidiyo gho ghakubikiwa papeji ilyabwandilo ukuti mwandisye ukunenezannya na bantu. Ivi vingatwavwa ukumanya vyo abantu aba muchigaba chitu bakwinong’ona.

• Mubalangizye abantu ipeji ilyabwandilo. Mubalangizye mo bangabombela ukuti baghe inkani pa webusayiti.

• Mubatumile ilinki. Abantu bamo batakulonda ukunena nuswe pamaso na pamaso loli bangaghana ukwingila pa webusayiti yitu. Po tubaghiye ukutumizya mwalubilo ilinki iya nkani pamo ividiyo yo yabikiwa papeji ilyabwandilo ku bantu bo bali ni chinyonywa.