Ukujimba ku Vintu Ivisita Ubugholosu

Belenga Ubwandilo 37.23-28; 39.17-23, ukuti mumanyile mo u Jozefu akajimbila ku vintu ivisita ubugholosu.

Muyimanye inkani yosi. Choni cho chikapangisya ukuti u Jozefu bamubombele ivintu ivisita ubugholosu? (Ubwa. 37.3-11; 39.1, 6-10) Ka u Jozefu akalondiwanga ukujimba kwa butali buli? (Ubwa. 37.2; 41.46) Ka u Yehova akamubombela ichoni u Jozefu pa kabalilo kala, sona atakamubombela ichoni?—Ubwa. 39.2, 21; w23.01 17 ¶13.

Mufufuze. Ibayibolo litakunenapo ukuti u Jozefu akifighilila mwene ku bumyasi bo umuka Potifa akamutamantila. Ka amasimbo aghakukonkapo agha, ghangatwavwa buli-buli ukumanya ichifukwa cho u Jozefu akasalila ukuba myee pamo choni cho tutakulondiwa ukumanya chilichosi pa nkani iyi ukuti twivwisye akiza? (Mbupi. 20.2; Yoha. 21.25; Imbo. 21.37) Nkimba nkalo buli zyo nge zikamwavwa u Jozefu ukuti ajimbe ku vintu ivisita ubugholosu?—Mika 7.7; Luka 14.11; Yako. 1.2, 3.

Mumanye vyo mwamanyilapo. Mwilalusye ukuti:

• ‘Nkimba vintu buli ivisita ubugholosu vyo ningakomana navyo ngati bamanyili ba Yesu?’(Luka 21.12, 16, 17; Hebe. 10.33, 34)

• ‘Ka ningisengannya buli-buli ukuti nize nkwanisye ukujimba?’(Sali. 62.7, 8; 105.17-19; w19-TB.07 2-7)