Mumanyilaghepo pa Vithuzi

Mumabuku ghithu mukuba ivithuzi ivyinji vyo vikutumanyisya ifundo izyakulondiwa sana. Ka mungabomba choni ukuti ivithuzi ivi vibavwe?

• Mwennyanje tasi ichithuzi po muchili mutabelengite inkhani. Ivithuzi vingabavwa ukuti mube ni chinyonywa nu kubapangisya ukuti mubelenge inkhani. Nanthi twennya ichakulya chili mu mbale, amaso ‘ghakughonja’ tasi. Polela po muchili mutandite ukubelenga inkhani, mwilalusye ukuti, ‘Nkhimba nennya ichoni?’—Amo. 7.7, 8.

• Nanthi mukubelenga inkhani, mwinong’onelepo ichifukwa cho bakabikilamo ivithuzi. Mubelengaghe amazyu gho ghili pa chithuzi pamo amazyu gho ghakulongosola ichithuzi nanthi ghalipo. Mwennye mo ivithuzi vikukolelana ni nkhani sona vyo mukumanyilapo pachithuzi.

• Nanthi mwamala pakubelenga, mwennye sona ivithuzi ukuti mukumbukile ifundo inkhulu zyo zili munkhani. Muyezye ukusungila ivithuzi sona ifundo zyo ichithuzi chilichosi chikubamanyisya.

• Mwalekelachi ukwennya ivithuzi vyo vili mu magazini iyi nu kwennya nanthi mungakumbukila vyo mukumanyilako?