Mupindulaghe na Malifalensi

Amalifalensi gho ghali pa tumizele to tuli pakasi mu Bayibolo ilya New World Translation of the Holy Scriptures, ghangabavwa ukumanya amavesi aghamwabo gho ghangabavwa ukwivwisya akiza inkhani yo mukumanyila. Amalifalensi gho ghakuba pakasi pa kamuzele, ghakusimbiwa na kasimbo akanandi ko kakuba kunthazi kwa mazyu gho mwabelenga. Nanthi mukubombezya Ibayibolo ilyakupulinta, mungabombezya utumasimbo utunandi to tukuba pakasi pa muzele gho ghuli pakasi pa mavesi gho mukubelenga. Pa jw.org pamo pa JW Library^® app, dina pa kasimbo akanandi ko kali papipi na mazyu gho mwabelenga ukuti mwennye amasimbo aghamwabo gho ghakukolelana ni nkhani yo mukubelenga.

Amalifalensi agha, ghangabighulila inkhani izyinji sona izyakukonkhapo izi:

Inkhani zyo zikuyana: Amalifalensi agha, ghangabighulila inkhani zyo zikuyana loli zili mumabuku aghanji agha mu Bayibolo. Umwakufwanikizya, ennya 2 Samueli 24.11 sona 1 Syambukulu 21.1.

Po amazyu ghafuma: Amalifalensi agha, ghangalangizya po amazyu pamo inkhani yafuma. Umwakufwanikizya, ennya Matayi 4.4 sona Ukukumbusya Indaghilo 8.3.

Ukukwanilisiwa ukwa mabulaghuzi: Amalifalensi ghangabighulila sona po ubulaghuzi bukakwanilisiwa. Umwakufwanikizya, ennya Matayi 21.5 sona Zekariya 9.9.