Ka Ubumi Bukanda Buli-Buli?

“Mubwighane bwako vikapeliwa nu kuba nu bumi.” (Ubuvumbuli 4.11) Ka mukusubila? Abantu bamo bakunena ukuti ubumi bukabako bwene ukusita ukuti yumo akabupela. Pala ivi vyabwanaloli, kokuti uswe tukabako mwangozi bulo. Waghe u Yehova weyo akapela ubumi, kokuti ubumi buli ni ching’anamulo, ka te momumo?a Mubayibolo muli nkani zyo zikulingannya mo ubumi bukandila sona ichifukwa cho tungalisubila Ibayibolo.

1. Ka ichisu ni ntondwa vikabako buli-buli?

Ibayibolo likunena ukuti: ‘Pabwandilo u Chala akapela kumwanya ni chisu ichapasi.’ (Ubwandilo 1.1) Abasayansi abinji bakwitikizya ukuti ivintu vikapeliwa. Ka u Chala akavipela buli-buli? Akabombezya ‘amaka ghache,’ gho muzimu umuzelu pakupela ivintu vyosi, ivintu vyo vili pachisu ichapasi na kumwanya.—Ubwandilo 1.2.

2. Choni cho u Chala akapela ichisu?

U Yehova ‘atakachipela bulo ichisu, loli akachipela ukuti abantu bikalaghemo.’ (Yesaya 45.18) Akapela ichisu chapasi ichakuyemba ukuti abantu bikalaghemo sona akabikamo chilichosi cho chikulondiwa ukuti umuntu ikalaghe kwa bwila na bwila. (Belenga Yesaya 40.28; 42.5.) Abasayansi bope bakunena ukuti ichisu chiza nkani ukupota amapulaneti ghosi. Muchisu momo muli chilichosi cho umuntu akulondiwa ukuti abe nu bumi.

3. Choni cho abantu bapambanite ni vinyamana?

Bo apela ichisu chapasi, U Yehova akabikamo ivyabumi. Ichabwandilo akapela ichisu, ivyakumela sona ni vinyamana. Ukufuma apo, ‘u Chala akapela umuntu mu chifwani chache.’ (Belenga Ubwandilo 1.27.) Choni cho abantu bapambanite ni vinyamana? Ichifukwa chakuti tukapeliwa mu chifwani cha Chala, tungamanya ukulangizya inkalo zyo ali nazyo ngati ulughano sona nu bugholosu. Sona akatupela ukuti tumanyilaghe ivinenelo ivyamwabo, ukunyonywa ivintu ivyiza sona ukuhoboka ni nyimbo. Umwakupambana ni vinyamana, uswe tungamuchindika sona ukumughana umupeli witu.

MANYA IVYINJI

Ennya ubukaboni ubwakunena ukuti ivyabumi vikapeliwa. Ennya sona inkani zyo zikulangizya ukuti Ibayibolo lya bwanaloli pakunena ivya chipeliwa. Inkalo zyo abantu bali nazyo zikutumanyisya ivinji ivya Yehova.

4. Ivyabumi vikapeliwa

Abantu bakupokela umuchizi ichifukwa cha vintu vyo bakupanga pakusendela ivipeliwa. Waghe abantu bakupaliwa na vyo bakubomba vingaba buli-buli nu mwenecho yo akapela ivintu vyosi? Enelezya IVIDIYO, nu kwamula ilalusyo ili.

IVIDIYO: Subila mwa Chala (2:43)

• Nkimba vintu buli vyo abantu bapangite pakusendela ichipeliwa?

Inyumba yiliyosi yikuzengiwa nu muntu. Loli ka we wenu yo akapela ivintu vyosi? Belenga Aba Hebeli 3.4, nu kwamula amalalusyo agha:

• Pa vyo u Chala apelite, ka choni cho chikubahobosya nkani?

• Ka mukusubila ukuti ichisu na vyo vilimo vikapeliwa naloli? Chifukwa choni?

Ka muzimenye?

Mungagha inkani na mavidiyo aghakuyanako ni nkani iya mumutu ughu pa jw.org “Kasi Vikaŵako Vyekha?” sona “Ivyo Ŵanthu Ŵakuyowoya Vya Umo Umoyo Ukambira.”

“Pakuti inyumba zyosi zikuzengiwa nu muntu, loli u Chala weyo we fundi uwa vintu vyosi”

5. Inkani zyo zikulingannya ivya chipeliwa zyo zili mu Bayibolo zyabwanaloli

IVIDIYO: Ka Kumwanya ni Chisu Vikapeliwa?—Iyifupi (3:51)

• Ka Ibayibolo likumanyisya ukuti ichisu ni vyabumi vyosi vikapeliwa mu masiku 6 agha maawazi 24?

• Ka vyo Ibayibolo likunena ivyakukukwafyannya ni chipeliwa vyabwanaloli sona vyakwivwika? Chifukwa choni?

Belenga Ubwandilo 1.1, nu kwamula ilalusyo ili:

• Abasayansi bakunena ukuti ichipeliwa chili nu bwandilo. Nkimba vyo bakunena vikukolelana buli-buli na vyo mwabelenga mu Bayibolo?

Abantu bamo bakwinong’ona ukuti u Chala akapela ivintu vyo pisinda pache vikasinta ukuba nu bumi. Belenga Ubwandilo 1.21, 25, 27, nu kwamula amalalusyo agha:

• Ka Ibayibolo likumanyisya ukuti u Chala akapela ivintu vyo vikasinta nu kuba iswi, ivinyamana na bantu? Pamo akapela ivintu ivyakulekana-lekana chilichosi pa chene?b

6. U Chala akapela abantu muzila iyapamwanya nkani

Tupambanite ni vinyamana vyo u Yehova avipelite. Belenga Ubwandilo 1.26, nu kwamula ilalusyo ili:

• Ichifukwa chakuti tukapeliwa muchifwani cha Chala, uswe tungalangizya ulughano ni chisa ku bamwitu, ka ivi vikulangizya ukuti u Chala ali na nkalo buli?

IFUNDO IZYAKUDUMULA

U Yehova akapela kumwanya ni vintu vyosi.

Ukunyokelamo

• Nkimba Ibayibolo likumanyisya ukuti ivintu vikabako buli-buli?

• Ka u Chala akapela ivintu ukuti vikasintaghe nu kuba vintu ivinji pamo akapela ivintu ivyakulekana-lekana chilichosi pa chene?

• choni cho abantu bakapeliwa muzila iyapamwanya nkani?

IFUNDO IZYAKONGELEZYAPO

Ennya ivipeliwa vyo vikulangizya ukuti kuli umupeli.

“Kasi Tikusambirako Vichi ku Chilengiwa?” (Wukani!, Seputembala 2006)

Ennya mo u baba akumulongosolela umwana wache inkani iya mu Bayibolo iyakukwafyannya ni chipeliwa.

“U Yehova Akapela Ivintu Vyosi” (2:37)

Belenga ukuti umanye nanti inkani iyakuti ivintu vikasinta yikukolelana ni Bayibolo.

“Ka u Chala akasinta ivyabumi vimo ukuti apele ivyabumi ivyakupambana-pambana?” (Inkani ya pa intaneti)

Ennya ivintu ivyakale vyo abasayansi bakufukula pasi nanti vikulangizya ukuti ubumi bukapeliwa pamo bukabako mwangozi bulo.

Umoyo Ukaŵako Wuli?—Mafumbo 5 Agho Tikwenera Kujifumba (akabuku)