UMUTU 28

Tupalizyanje vyo u Yehova nu Yesu Bakatubombela

Viboneke Ngati mo Vibeleye Mubuku

Nkimba mungiyivwa buli-buli nanti uwamwinyu abapa ichabupi ichapamwanya nkani? Tukusubila ukuti mungahoboka nacho ichabupi ichi sona mungalonda ukuti uwamwinyu amanye ukuti mukupalizya ichabupi cho abapa. U Yehova nu Yesu batupiye ichabupi ichapamwanya nkani cho tutangachagha nakumo. Ka chabupi buli, sona ka tungalangizya buli ukuti tukupalizya ichabupi ichi?

1. Nkimba tungalangizya buli-buli ukuti tukupalizya pa vyo u Chala nu Yesu batubombeye?

Ibayibolo litulayizizye ukuti ‘umuntu wesi yuyo akumusubila u Yesu’ akwiza pakwagha ubumi ubwa bwila na bwila. (Yohani 3.16) Nkimba ukulangizya ulusubilo kukung’anamula choni? Kukung’anamula ivintu ivyinji ukuchila ukusubila bulo mwa Yesu. Tungalangizya ukuti tuli nu lusubilo mu vyakubomba sona mu vyakusala vyitu. (Yakobo 2.17) Pala tukulangizya ulusubilo mu vyakubomba sona muvyakunena vyitu, tukughomya ubumanyani bwitu nu Yesu sona nu tata wache, u Yehova.—Belenga Yohani 14.21.

2. Ka chakubombiwa buli ichapadela cho tungalangizya ukupalizya pa vyo u Yehova nu Yesu bakatubombela?

Ichamabwila bo achili atafuye, u Yesu akababuzya abamanyili bache mo bangapalizizya ukwiyipa kwache. Akandisya ichakubombiwa ichapadela cho mu Bayibolo chikwitiziwa ukuti “Ichakulya Icha Mwene” pamo ukuti ukukumbukila imfwa ya Yesu. (1 Aba Kolinti 11.20) U Yesu akandisya ichakubombiwa ichi ukuti abatumiwa bache sona Abakilisitu ababwanaloli bakumbukilaghe ukuti akapeleka ubumi bwache ichifukwa cha uswe. Po akandisyanga ichakubombiwa ichi u Yesu akalamula ukuti: ‘Bukilila ukubomba zinizi ukuti munkumbukilayepo.’ (Luka 22.19) Pala mukwayiwapo pa Kukumbukila Imfwa ya Yesu mukulangizya ukuti mukupalizya ulughano lo u Yehova nu Yesu bakalangizya kwa uswe.

MANYA IVYINJI

Manya vyo mungabomba ukuti mulangizye ukupalizya ulughano ulukulu lo u Yehova nu Yesu bakalangizya kwa uswe. Manya sona ichifukwa cho Ukukumbukila Imfwa ya Yesu Kilisitu kwakulondiwa.

3. Nkimba tungabomba choni ukuti tulangizye ukuti tukupalizya?

Tufwanikizye ukuti mwadwibagha mumizi po umuntu yumo abapoka. Nkimba mungaluvya vyo umuntu uyu akababombela? Ka mungalondelezya izila yiliyosi ukuti mulangizye ukupalizya pa vyo umuntu uyu akababombela?

Tuli nu ubumi ichifukwa cha chisa icha Yehova. Belenga 1 Yohani 4.8-10, nu kwamula amalalusyo agha:

Choni cho ukwiyipa kwa Yesu chabupi ichapamwanya nkani?
Nkimba mukwiyivwa buli-buli pa vyo u Yehova nu Yesu bakababombela?

Nkimba tungalangizya buli-buli ukuti tukupalizya pa vyo u Yehova nu Yesu bakatubombela? Belenga 2 Aba Kolinti 5.15 sona 1 Yohani 4.11; 5.3. Pala mwabelenga isimbo lililyosi mwamule ilalusyo ili:

Nkimba tungabomba choni ukuti tulangizye ukuti tukupalizya?

4. Mumweghelele u Yesu

Tungalangizya sona ukuti tukupalizya waghe tukubomba vyo u Yesu akabombagha. Belenga 1 Pitala 2.21, nu kwamula ilalusyo ili:

Nkimba tungabomba buli-buli ukuti tukonkaghe inyayo izya Yesu?

U Yesu akubelenga Amazyu gha Chala pa mupukutu. — U Yesu Akaghanagha Amazyu gha Chala, akalumbililagha amazyu amiza sona akatulagha abantu abanji

U Yesu akunenezanya nu mukolo uwa ku Samaliya pa chifula. — U Yesu Akaghanagha Amazyu gha Chala, akalumbililagha amazyu amiza sona akatulagha abantu abanji

5. Mwayiwanjepo pa Kukumbukila Imfwa ya Kilisitu

Ukuti mumanye vyo vikabombiwa pisiku ilyabwandilo pa Chakulya cha Mwene Icha Chamabwila, belenga Luka 22.14, 19, 20. Nu kwamula amalalusyo agha:

Choni cho chikabombiwa pa Chakulya cha Mwene Icha Chamabwila?
Nkimba ichibama nu vinyo vikwimila choni?—Ennya amavesi 19 nu 20.

U Yesu akalondagha ukuti abamanyili bache balyanje Ichakulya Icha Chamabwila lyoka pa mwaka pisiku lyo akafwila. Cho chobene, Abakaboni ba Yehova bakukomanagha poka ukuti bakumbukilaghe imfwa ya Kilisitu ngati mo akalamulila. Ukuti mumanye ukulondiwa ukwa lukomano ulu, enelezya IVIDIYO. Nu kwamula ilalusyo ili:

IVIDIYO: Mukumbukilaghe Imfwa ya Yesu (1:41)

Ichituzi icha mu vidiyo ‘Mukumbukilaghe Imfwa ya Yesu.’ Abakaboni ba Yehova bakukomana poka ukuti bakumbukile Ichakulya Icha Mwene icha Chamabwila.

Choni cho chikubombiwa pa lukomano ulwa Kukumbukila Imfwa ya Yesu?

Uvinyo akwendesiwa pa kabalilo aka Kukumbukila Imfwa ya Yesu.

Ichibama nu vinyo vikwimila ivintu vimo. Ichibama chikwimila umubili uwakufikapo uwa Yesu wou Yesu akiyipa ichifukwa cha uswe. Uvinyo akwimila ibanda lyache

VYO BAMO BAKUNENA: “Ukuti umuntu ize apone abaghiye ukusubila bulo mwa Yesu.”

Ka mungabombezya buli-buli isimbo ilya Yohani 3.16 nu Yakobo 2.17 ukuti mumulangizye umuntu ukuti pali ivintu vimo vyo abaghiye ukubomba ukuchila ukusubila bulo mwa Yesu?

IFUNDO IZYAKUDUMULA

Tukulangizya ukupalizya pa vyo u Yesu akatubombela nanti tukwivwana mwa yuyo sona waghe tukwayiwapo Pakukumbukila Imfwa yache.

Ukunyokelamo

Nkimba ukusubila mwa Yesu kukung’anamula choni?
Nkimba mungalangizya buli-buli ukuti mukupalizya pa vyo u Yehova nu Yesu bakababombela?
Choni cho chakulondiwa hee ukuti twayiwanjepo Pakukumbukila Imfwa ya Yesu Kilisitu?

Twamala ukumanyila pa:

Ivyakuti mubombe

Mwize mwayiwepo Pakukumbukila Imfwa ya Kilisitu ubulendo bo bukwiza. Mumulalusye yo mukumanyila nawe Ibayibolo ukuti ababuzye isiku ilya Kukumbikila Imfwa ya Yesu sona mungasimba isiku pakalendala winyu.

Ivyamwabo:

Your other goal

IFUNDO IZYAKONGELEZYAPO

Nkimba Imfwa ya Kilisitu yikutughomya ukuti tubombaghe choni?

Akabombezya Umubili Wache Ukuti Amupale u Yehova (9:28)

Manya ivyinji ivyakukwafyannya nu lwitiko sona na mo tungalulangizizya

“Ŵani na Chipulikano mu Malayizgo gha Yehova” (Ichitembe cha Mulindilili, icha Chitumbuka Okutobala 2016)

Mu nkani iyakuti “Nkhujiwonaso Kuti Nili Wakufipirwa Yayi Wakufwa Nesi Wakukwenyerera,” ennya mo ubumi ubwa mukolo yumo bukasintila ichifukwa ichakumanyila ivya kukwafyannya ni sembe iya Yesu.

“Baibolo Likusintha Umoyo wa Ŵanthu” (Ichitembe cha Mulindilili, icha Chitumbuka Ogasiti 1, 2011)

Manya ichifukwa cho abantu banandi bulo bobo bakulya ichibama pamo ukung’wela uvinyo Pakukumbukila Imfwa ya Yesu.

“Choni cho Abakaboni ba Yehova Bakukumbukila Imfwa ya Yesu Muzila Iyakupambana ni Vipanga Vyosi?” (Inkani iya pa intaneti)