Mo u Chala Akulyenezya Ibanda

Ibanda lyakulondiwa hee. Ukusita ibanda nayumo yo angaba nu bumi. Ichifukwa chakuti u Chala weyo akatupela, weyo ali na maka aghakutubuzya mo tungalibombezezya ibanda. Nkimba anenitepo ichoni ivyakukwafyannya ni banda? Ka tungalya pamo ukubika mumubili? Ka mungabomba buli-buli ukuti musale akiza pa nkani yi banda?

1. Nkimba u Yehova akulyennya buli-buli ibanda?

Mu Bayibolo u Yehova akababuzya ababombi bache ukuti: ‘Ubumi ubwa chabumi chilichosi libanda lyache.’ (Abanya Levi 17.14) Kwa Yehova, ibanda likwimila ubumi. Ubumi chabupi ichapamwanya nkani ichakufuma kwa Chala, ibanda lyope lyapamwanya.

2. Nkimba zila buli zyo u Yehova akukanizya ukubombezya ibanda?

U Yehova akabalamula Ababombi bache ababwandilo ukuti batakalyanje ibanda. (Belenga Ubwandilo 9.4; Abanya Levi 17.10.) Ukwendela mu kagulu akakwenelezya aka Bakilisitu ababwandilo u Yehova akalamula ukuti “mutakalyanje ibanda”—Belenga Imbombo 15.28, 29.

Nkimba ukuleka ukulya ibanda kukung’anamula ichoni? Nanti udokotala akukanizya ukung’wela ipele, ubaghiye ukwivwila. Ka ungalya ichakulya cho bonganizye nipele lyo bakukanizizye ukuti utakang’welaghe pamo ungitikizya ukuti ung’wele umwakubombezya isindano? Tukusubila ukuti mutangitikizya. Umwakuyana bulo indaghilo zya Chala zikutukanizya ukulya ibanda, cho chikung’anamula ukuti tutabaghiye ukung’wela ibanda pamo ukulya inyama iyachinyamana cho batachekite. Tutabaghiye ukulya ichakulya chilichosi cho bonganizye ni banda.

Buli pakubombezya ibanda ngati mulembo? Pali izila zimo zyo zitakukolelana ni ndaghilo zya Chala. Izila izi ko kubikiwa ibanda pamo ukubikiwa ivigaba ivikulu-kulu ivyibanda ngati, amaselo amachesamu, amaselo amaswepu, amapulatelesi sona amapulazima. Pali izila zimo zyo Ibayibolo litakunena umwakusimikizya waghe zikususannya ni ndaghilo zya Chala. Umwakufwanikizya, izila zimo bakubombezya utuvigaba utudono nkani to bakusenda ukufuma kuvigaba ivikulu-kulu ivyibanda. Pali sona izila zimo zyo bangasengula ibanda lyako nu kulinyosezya sona mumubili wako. Pakubombezya izila izi, aliwesi angasala pakubombezya umabyebye wache.a—Aba Galatiya 6.5.

MANYA IVYINJI

3. Sala izila zyo zingamuhobosya u Yehova

Nkimba mungabomba buli-buli ukuti musale izila zyo zingamuhobosya u Yehova pankani iyibanda? Enelezya IVIDIYO, nu kunenezannya ubwiza ubwakubombezya izila izyakukonkapo izi.

IVIDIYO: Mo Mungasalila Akiza Ivintu Pankani Yibanda (5:47)

• Mulabaghe amahala kwa Chala.—Yakobo 1.5.

• Mulondelezyanje ubulongozi ubwa mu Bayibolo nu kububombezya imbombo.—Isya Mbupingamu 13.16.

• Manyila zila izila zyo mungabombezya imbombo zyo zikwayiwa ko mukwikala.

• Manya izila zyo tezyakwitikiziwa kwa umwe.

• Mwenelezye ukuti mwasala izila zyo zingabavwa ukuti mube nu mabyebye umuzelu.—Imbombo 24.16b

• Mukulondiwa ukubombezya umabyebye winyu ukuti musale akiza chifukwa nayumo yo angababuzya ivyakuti musale kwali wamwinyu uwamusendwa, usongo wa chipanga, pamo umumanyisi winyu uwa Bayibolo.—Aba Loma 14.12

• Musimbe vyo mwasala umwakuti abamwinyu bavimanye.

4. Abakaboni ba Yehova bakusala izila izyiza izyakupozezya

Chiza mulondelezyanje izila zyo zikukolelana ni ndaghilo zya Chala pa nkani yibanda nu kupokela ubutuli ukusita ukubombezya ibanda. Enelezya IVIDIYO.

IVIDIYO: Vyo Upulofesa u Massimo P. Franchi, M.D. Akanena (1:36)

Belenga Titi 3.2, nu kwamula ilalusyo ili:

• Choni cho tukulondiwa ukunenezyannya na madokotala umwabufisalyoyo sona umwamuchizi?

Te vyakwitikiziwa	Vyo umukilisitu akulondiwa ukusala
Amapulazima	Utuvigaba utudono utwakufuma ku mapulazima
Amaselo amaswepu	Utuvigaba utudono utwakufuma ku maselo amaswepu
Amapulatelesi	Utuvigaba utudono utwakufuma ku mapulatelesi
Amaselo amachesemu	Utuvigaba utudono utwakufuma ku maselo amachesamu

5. Nanti ivigaba ividono-vidono ivyibanda vikulondiwa

Ibanda lili ni vigaba ivikulu-kulu folo—Amaselo amachesemu, Amaselo amaswepu, Amapulatelesi, sona Amapulazima. Ivigaba ivi vili nu tuvigaba utunandi-tunandi to tukumanyikwa ukuti, utuvigaba tudono-tudono utwibanda.c Utuvigaba tumo bakutubombezya ngati mulembo, po tumo tukwavwa ukuti ibanda litakafumaghe nkani pachilonda nanti umuntu avulala.

Pa vigaba ividono-vidono ivyi banda Umukilisitu aliwesi abaghiye ukusala mwene ukuyana nu mabyebye wache. Bamo bangasala ukukana ukupokela ubutuli pamo izila zimo zyo bakubombezya utuvigaba utudono-tudono utwibanda. Loli bamo umabyebye wabo angabitikizya ukuti bapokele ubutuli bo bakubombezya utuvigaba utudono-tudono utwibanda.

Pala mukusala ivyakubomba pa chigaba ichi mwinong’onelepo ilalusyo ili:

• Ka ningamulongosolela buli-buli udokotala ichifukwa cho nkukanila pamo ukwitikizya ivigaba vimo ivyibanda?

IFUNDO IZYAKUDUMULA

U Yehova akulonda ukuti tubombezyanje akiza ibanda.

Ukunyokelamo

• Choni cho u Yehova akulyennya ibanda ukuti lyakulondiwa nkani?

• Nkimba tukumanya buli-buli ukuti indaghilo zya Chala zikutukanizya ukubikiwa ibanda?

• Ka mungabomba buli-buli ukuti musalaghe akiza pa nkani iyakubombezya ibanda?

IFUNDO IZYAKONGELEZYAPO

Nkimba fundo buli zyo mukulondiwa ukwinong’onelapo po muchili mutasalite ukuti balibombezyesona ibanda lyinyu lyo baliswenguye?

“Mafumbo Ghakufumira ku Ŵaŵazgi” (Ichitembe cha Mulindilili icha Chitumbuka, Okutobala 15, 2000)

Nkimba fundo buli zyo mukulondiwa ukwinong’onelapo nanti mukulonda ukwitikizya ukubombezya utuvigaba utudono-tudono utwibanda?

“Mafumbo Ghakufumira ku Ŵaŵazgi” (Ichitembe cha Mulindilili icha Chitumbuka, Juni 15, 2004)

Choni cho chikamwavwa ukaswili yumo ukumanya ukuti vyo u Yehova akunena pankani iyibanda vyakwivwika?

“Nkhuwona Ndopa nga Umo Chiuta Wakuziwonera” (Wukani!, Disembala 8, 2003)

Ennya mo abamukamu bo bakubombela mu Komiti Iyakunenezannya na Bachipatala bakatulila abakamu na bayemba.

U Yehova Akubavwa bo Babinite (10:23)