Ivyakukomana Navyo

Mulangizyanje Ichisa ku Bantu Abamaluko Ghosi

Umuyemba yumo uwa ku New Zealand, isiku limo akenelezya ividiyo pa jw.org, yo yikunena mo u Yehova abeleye wachisa sona mo akuchilangizizya ichisa chache. (Yesa. 63.7-9) Akasala ukubombezya ifundo zyo akamanyila nu kwennya amalusako agha mo angabatulila abanji. Isiku lila-lila akabuka kumusika ukuti aye aghule ivintu, akakomana nu mukolo yo atakaba napakwikala, akamulaba ukuti amughulile ichakulya. Umukolo yula akitikizya. Pakabalilo ko akamupanga ichakulya, akaghilapo ulusako ulwakumubuzyako umukolo yula ivya Yehova, pakubombezya akatilakiti akamutu uwakuti Ka Intamyo Zilimala Lumo?

Umukolo yula akanda pakulila. Akalongosola ukuti po akakulagha akaba we Kaboni, loli akabuleka ubwanaloli imyaka iyinji kwisinda. Akaba ukuti iputa mwalunulu kwa Yehova ukuti amwavwe umwakuti anyokele kukwache. Umuyemba akamupa umukolo uyu Ibayibolo nu kupanga indondomeko iyakuti bamanyilaghe.a

Nuswe bulo tungamuyezya u Yehova umwakulangizya ichisa abantu, ukongelezyapo abakamu bitu sona abakamu na bayemba muchipanga. Sona tungalangizya ichisa nanti tukulondelezya amalusako aghakuti tubabuzyanjeko abanji ivya Yehova.