Aféierung an den Deel 6

Wéi d’Israelitten endlech am versprachene Land sinn, gëtt d’Zelt vun der Versammlung den Zentrum vun der richteger Ubiedung. D’Priistere bréngen dem Vollek d’Gesetz bäi an d’Riichter féieren d’Vollek. Den Deel 6 mécht däitlech, wéi staark sech Entscheedungen an Handlunge vun eenzelne Persounen op anerer auswierke kënnen. All Israelitt huet eng perséinlech Verantwortung géintiwwer Jehova a senge Matmënschen. Géi dorop an, wéi d’Debora, d’Noomi, de Josua, d’Hanna, dem Jephtha säi Meedchen an de Samuel hiert Ëmfeld beaflosst hunn. Betoun, datt sech esouguer Mënschen aus anere Vëlker op d’Säit vun den Israelitte stellen, well si wëssen, datt Gott mat hinnen ass. Zu hinne gehéieren d’Rahab, d’Ruth, d’Jael an d’Gibeonitter.