Wat ass Gott säi Räich?

WAT SEET D’BIBEL DOZOU?

„Elo gehéieren d’Herrschafte vun der Welt äisem Här a sengem Messias, an hie regéiert fir ëmmer an éiweg!“ (Offenbarung 11:15, Bibel fir alleguer)

Jesus „. . . regéiert da fir ëmmer . . ., a seng Herrschaft hält ni méi op.“ (Lukas 1:33)

WAT HUNN ECH DOVUN?

• Eng gerecht Regierung, déi fir jidderee Guddes bewierkt (Jesaja 48:17, 18)

• Gesond a glécklech an enger neier Welt liewen (Offenbarung 21:3, 4)

KANN ECH DER BIBEL WIERKLECH TRAUEN?

Jo, aus op d’mannst zwee Grënn:

• Jesus huet gewisen, wat Gott säi Räich alles wäert bewierken. Hien huet Mënsche biede geléiert, datt dëst Räich kommen a Gott säi Wëllen op der Äerd geschéie soll (Matthäus 6:9, 10). Hien huet och virgemaach, wéi et wäert sinn, wann dëst Gebiet erhéiert gëtt.

  Wéi Jesus op der Äerd gelieft huet, huet hien déi Hongreg sat gemaach, déi Krank geheelt, a Verstuerwener zum Liewe bruecht (Matthäus 15:29-38; Johannes 11:38-44). Dat si begeeschternd Beispiller fir dat, wat hien als Kinnek fir d’Mënsche maache wäert (Offenbarung 11:15).

• D’Weltsituatioun ass de Beweis dofir, datt Gott säi Räich gläich kënnt. Jesus huet ugekënnegt, datt just éier Gott säi Räich fir Fridden op der Äerd suergt, eis Welt ënner Kricher, Hongersnéit an Äerdbiewen ze leiden hätt (Matthäus 24:3, 7).

  Grad esou gesäit et haut aus. A kuerzer Zäit gëtt et all dës Problemer net méi.