LEKTIOUN 37
Wat d’Bibel iwwer Aarbecht a Geld seet
Hues du dir schonn eng Kéier Suerge gemaach wéinst Geld oder denger Aarbechtsplaz? Et ass guer net esou einfach, fir de Liewensënnerhalt ze suergen a gläichzäiteg d’Ubiedung vu Jehova op déi richteg Plaz ze setzen. D’Bibel huet e puer praktesch Rotschléi, wéi een dat hikritt.
1. Wat seet d’Bibel iwwer Aarbecht?
Gott wëll, datt mir Freed un der Aarbecht hunn. D’Bibel seet: „Fir e Mënsch gëtt et näischt Besseres, wéi … un senger haarder Aarbecht Freed ze fannen“ (Prediger 2:24). Jehova schafft gär. Wa mir bei der Aarbecht esou fläisseg sinn ewéi hien, da freet hien sech an och mir sinn zefridden.
Et ass wichteg ze schaffen. Awer d’Aarbecht däerf net méi wichteg sinn ewéi eis Ubiedung (Johannes 6:27). Jehova versprécht eis: Wa mir hien op déi éischt Plaz setzen, suergt hie fir alles, wat mir fir ze liewe brauchen.
2. Wéi soll een zu Geld agestallt sinn?
D’Bibel seet zwar, datt „Geld e Schutz ass“, awer si weist och ganz kloer, datt Geld eleng net glécklech mécht (Prediger 7:12). Si leet eis un d’Häerz, keng Léift zum Geld ze hunn, mee mat deem zefridden ze sinn, wat een huet. (Lies Hebräer 13:5.) Dann ass een net frustréiert, well een dauernd doriwwer nodenkt, wat engem nach feelt, an et mécht ee keng onnéideg Scholden (Sprüche 22:7). Dat schützt ee virun de Gefore vum Glécksspill oder viru riskante Geschäfter, déi engem schnellt Geld verspriechen.
3. Wéi kann ee Geld gutt asetzen?
Jehova ass generéis. Mir kënnen esou sinn ewéi hien, wa mir och generéis sinn a gär mat aneren deelen (1. Timotheus 6:18). Mir kënnen d’Versammlung finanziell ënnerstëtzen, awer och déi, déi an Nout sinn – virun allem eis Glawensbridder. Jehova kënnt et net dorop un, wéi vill mir ginn, mee wat eis motivéiert, eppes ze ginn. Wa mir vun Häerze gär ginn, mécht eis dat glécklech a Jehova freet sech. (Lies Apostelgeschichte 20:35.)
AN DEN DETAIL GOEN
Firwat ass et gutt, der Aarbecht de richtege Stellewäert ze ginn a mat deem zefridden ze sinn, wat een huet?
4. Esou schaffen, datt Jehova geéiert gëtt
Eis Frëndschaft mat Jehova soll sech op eis Astellung zur Aarbecht auswierken. De VIDEO kucken an dës Froe beschwätzen:
Wat gefält dir um Jason senger Astellung zur Aarbecht a wéi hien sech verhalen huet?
Wéi huet hien et fäerdeg bruecht, der Aarbecht de richtege Stellewäert ze ginn?
Kolosser 3:23, 24 liesen. Dozou dës Fro:
Firwat ass déi richteg Astellung zur Aarbecht wichteg?
Aarbecht ass wichteg. Mee si soll ni méi wichteg ginn ewéi eis Frëndschaft mat Jehova
5. Zefridde sinn ass vill wäert
Vill Leit versichen esou vill Geld wéi méiglech ze kréien. Awer d’Bibel réit eis eppes anescht. 1. Timotheus 6:6-8 liesen. Dozou dës Fro:
Wat fir e Rot gëtt eis d’Bibel?
Och wann een net vill huet, kann ee glécklech sinn. De VIDEO kucken an dës Fro beschwätzen:
Firwat sinn dës Famillje glécklech, och wann si net vill Geld hunn?
Et kann awer och sinn, datt ee scho vill huet, an nach méi wëll hunn. Jesus huet gewisen, wéi geféierlech dat ass. Lukas 12:15-21 liesen. Dozou dës Fro:
Wat kann een aus dëser Geschicht léieren? (Dozou de Vers 15.)
Sprüche 10:22 an 1. Timotheus 6:10 liesen. Dozou dës Froen:
Wat mengs du, wat méi wichteg ass – eng Frëndschaft mat Jehova oder vill Geld? Firwat denks du esou?
Wat fir Problemer kritt een, wann een ëmmer méi wëll hunn?
6. Jehova suergt fir eis
Problemer mat der Aarbecht a Geldsuerge kënnen eist Vertrauen a Jehova op d’Prouf stellen. Wat kann eis hëllefen? De VIDEO kucken.
Mat wat huet de Brudder missen eens ginn?
Wéi ass hien domat ëmgaangen?
Matthäus 6:25-34 liesen. Dozou dës Fro:
Wat versprécht Jehova deenen, déi hien op déi éischt Plaz setzen?
WANN EE SEET: „Ech kann net all Woch an d’Versammlung goen. Et muss jo een d’Geld mat heem bréngen.“
Wat fir e Bibeltext iwwerzeegt dech dovun, datt et ëmmer am beschten ass, d’Ubiedung fir Jehova op déi éischt Plaz ze setzen?
FAZIT
Et brauch een eng Aarbecht a Suen, awer dat soll een net dovun ofhalen, Jehova ze déngen.
Réckbléck
Wéi kann een ausgeglach sinn, wann et ëm d’Aarbecht geet?
Firwat ass et vill wäert, zefridden ze sinn?
Wéi kanns du weisen, datt s du Jehova sengem Verspriechen, fir dech ze suergen, vertraus?
MÉI GEWUER GINN
Wat seet d’Bibel zum Theema Geld?
Wourop et wierklech ukënnt, wann een eppes gëtt.
„Eppes ze ginn – wat seet d’Bibel doriwwer?“ (Online-Artikel)
Ass Glécksspill harmlos?
Wéi e Mann, dee seng Sue verspillt huet an agebrach huet, en anere Mënsch ginn ass.
„Päerdscoursen hate mir et ugedoen“ (Der Wachtturm, 1. November 2011)