D’Haapttheema vun der Bibel dréit sech ëm Gott säi Kinnekräich. Duerch dëst Kinnekräich setzt Jehova dat ëm, wat hien ursprénglech mat der Äerd virhat. Wat ass Gott säi Kinnekräich? Wouhier wësse mir, datt et haut scho regéiert? Wat huet et bis elo erreecht? Wat mécht et an der Zukunft? Dorëm geet et an dëser an an den nächsten zwou Lektiounen.

1. Wat ass Gott säi Kinnekräich a wien ass de Kinnek?

D’Kinnekräich ass eng Regierung, déi vu Jehova agesat gouf. De Kinnek ass Jesus Christus an hie regéiert vum Himmel aus (Matthäus 4:17; Johannes 18:36). D’Bibel seet iwwer Jesus: „Er wird für immer als König … regieren“ (Lukas 1:32, 33). Jesus regéiert an Zukunft als Kinnek vu Gott sengem Kinnekräich iwwer déi ganz Äerd.

2. Wie regéiert mat Jesus?

Jesus regéiert net eleng. „Menschen aus jedem Stamm, jeder Sprache, jedem Volk und jeder Nation … sollen als Könige über die Erde regieren“ (Offenbarung 5:9, 10). Wéi vill regéieren zesumme mat Jesus Christus? Säit Jesus op der Äerd war, si Millioune vu Chrëschten seng Nofollger ginn. Awer nëmmen 144 000 vun hinne kommen an den Himmel a regéiere mat Jesus. (Lies Offenbarung 14:1-4.) All déi aner liewen als Bierger vun dësem Kinnekräich hei op der Äerd (Psalm 37:29).

3. Firwat ass Gott säi Kinnekräich besser ewéi mënschlech Regierungen?

Mënschlech Herrscher bréngen et net ëmmer fäerdeg, déi gutt Saachen, déi si maache wëllen, ëmzesetzen. Si ginn iergendwann ersat duerch Persounen, déi vläicht éischter no sech kucken wéi nom Vollek. Awer de Kinnek vu Gott sengem Kinnekräich gëtt ni ersat. Gott huet e Kinnekräich opgeriicht, dat ni ënnergeet (Daniel 2:44). Jesus ass voller Léift, frëndlech a gerecht. Wann hien iwwer déi ganz Äerd regéiert, mécht hien dat komplett onparteiesch an hien hëlleft dann de Mënschen, geneesou léif mateneen ëmzegoen. (Lies Jesaja 11:9.)

4. Eng weltwäit Regierung mat vill Muecht

Jesus Christus huet méi Muecht ewéi all aneren Herrscher, deen et jee gouf. Matthäus 28:18 liesen. Dozou dës Fro:

• Wat ass den Ënnerscheed vu Jesus senger Muecht an där vu mënschlechen Herrscher?

Mënschlech Regierunge wiesselen oft a regéieren nëmmen iwwer een Deel vun der Äerd. Wéi ass dat bei Gott sengem Kinnekräich? Daniel 7:14 liesen. Dozou dës Froen:

• Firwat ass et gutt, datt Gott säi Kinnekräich „net vernicht gëtt“?

• Firwat ass et gutt, datt Gott säi Kinnekräich an Zukunft iwwer déi ganz Äerd regéiert?

5. Mënschlech Regierunge mussen ersat ginn

Firwat musse mënschlech Regierungen duerch Gott säi Kinnekräich ersat ginn? De VIDEO kucken an dës Fro beschwätzen:

VIDEO: Wat ass Gott säi Räich? (Ausschnëtt) (1:41)

• Zu wat huet mënschlech Herrschaft gefouert?

Prediger 8:9 liesen. Dozou dës Froen:

• Soll Gott säi Kinnekräich mënschlech Regierungen ofléisen? Wat denks du a firwat?

6. Herrscher, déi eis verstinn

Jesus, eise Kinnek, huet als Mënsch op der Äerd gelieft. Hie kann dowéinst „mat eise Schwächte … matfillen“ (Hebräer 4:15). An déi 144 000, déi mat Jesus regéieren, sinn trei Männer a Fraen, déi Jehova „aus all Stamm, Sprooch, Vollek an Natioun“ ausgewielt huet (Offenbarung 5:9, BFL).

• Jesus an déi, déi mat him regéieren, wësse wat et heescht, als Mënsch ze liewen. Wéi beréiert dech dat a firwat?

7. Déi bescht Gesetzer

Regierunge maache Gesetzer, déi geduecht sinn, fir datt et hire Bierger soll gutt goen an si schützt. Och ënner Gott sengem Kinnekräich ginn et Gesetzer, un déi sech seng Bierger hale mussen. 1. Korinther 6:9-11 liesen. Dozou dës Froen:

• Wéi denks du, datt d’Welt ausgesäit, wann sech jiddwereen u Gott seng Gesetzer hält?a

• Fënns du, datt Jehova d’Recht huet, vun de Bierger vu sengem Kinnekräich ze erwaarden, sech un seng Gesetzer ze halen? A firwat?

• Wat weist, datt sech Mënschen, déi sech net u Gott seng Gesetzer halen, ännere kënnen? (Dozou de Vers 11.)

FAZIT

Gott säi Kinnekräich ass eng Regierung am Himmel, déi an Zukunft iwwer déi ganz Äerd regéiert.

Réckbléck

• Wie sinn d’Herrscher vu Gott sengem Kinnekräich?

• Firwat ass Gott säi Kinnekräich besser ewéi all mënschlech Regierungen?

• Wat erwaart Jehova vun deenen, déi ënner sengem Kinnekräich liewen?

MÉI GEWUER GINN

Wou ass d’Kinnekräich? Jesus seng Äntwert.

„Wou ass Gott säi Räich? Ass et an eisem Häerz?“ (Online-Artikel)

Firwat ass den Zeie vu Jehova d’Loyalitéit géintiwwer Gott sengem Kinnekräich méi wichteg ewéi d’Loyalitéit géintiwwer dem Staat?

Trei fir Gott säi Kinnekräich astoen (1:43)

Wat d’Bibel iwwer déi 144 000 seet, déi Jehova ausgesicht huet, fir mat Jesus ze regéieren.

„Wie kënnt an den Himmel?“ (Online-Artikel)

Wat eng Fra am Prisong iwwerzeegt huet, datt nëmme Gott fir eng gerecht Welt suerge kann.

„Am Prisong hunn ech vun echter Gerechtegkeet héieren“ (Erwachet!, November 2011)

Gott säi Kinnekräich regéiert säit 1914 am Himmel. Deemools hunn déi lescht Deeg vun der Mënschenherrschaft ugefaangen. Firwat wësse mir dat? Kucke mir eis dozou e puer bibelesch Prophezeiungen un, wat säit 1914 op der Welt geschitt a wéi sech d’Leit behuelen.

1. Wat huet d’Bibel virausgesot?

D’Bibelbuch Daniel weist, datt Gott säi Kinnekräich no „siwen Zäiten“ ufänkt mat regéieren (Daniel 4:16, 17). Joerhonnerte méi spéit huet Jesus de selwechten Zäitraum als „festgelegte Zeiten der anderen Völker“ bezeechent a gesot, datt dës Zäiten nach net eriwwer wieren (Lukas 21:24). Wéi mir elo gesinn, waren dës „siwen Zäiten“ am Joer 1914 eriwwer.

2. Wat geschitt op der Welt a wéi behuelen sech d’Leit säit 1914?

Jesus seng Jünger hunn hie gefrot: „An welchem Zeichen wird man deine Gegenwart und den Abschluss des Weltsystems erkennen?“ (Matthäus 24:3). Jesus huet virausgesot, wourun een erkennt, datt hien am Himmel als Kinnek ugefaangen huet ze regéieren. Hien huet zum Beispill vu Kricher, Hongersnéit an Äerdbiewe geschwat. (Lies Matthäus 24:7.) An der Bibel gouf och virausgesot, datt een an de leschten Deeg mat deem, wéi d’Leit sech behuelen, schwéier fäerdeg gëtt (2. Timotheus 3:1-5). Dës Verhältnesser si besonnesch säit 1914 ze beobachten.

3. Firwat sinn d’Zoustänn op der Welt esou schlëmm ginn, säit Gott säi Kinnekräich regéiert?

Kuerz nodeem Jesus Kinnek ginn ass, huet hie Krich gefouert géint den Däiwel an d’Dämonen. Den Däiwel huet dëse Krich verluer. D’Bibel seet: „[Hie] gouf op d’Äerd gehäit a seng Engele goufe mat him erofgehäit“ (Offenbarung 12:9, 10, 12, BFL). Den Däiwel ass immens rosen, well hie weess, datt hie geschwë vernicht gëtt. Dowéinst verursaacht hie vill Péng a Leed. Kee Wonner, datt et op der Welt esou schlëmm ass. Awer d’Kinnekräich vu Gott léist all dës Problemer.

AN DEN DETAIL GOEN

4. D’Prophezeiungen aus der Bibel weisen op d’Joer 1914 hin

VIDEO: Gott säi Kinnekräich regéiert säit 1914 (5:02)

Gott huet bewierkt, datt den Nebukadnezar, de Kinnek vu Babylon, an engem Dram gesinn huet, wat an der Zukunft geschitt. Dësen Dram an dat, wat den Daniel dozou erkläert huet, bezéien sech esouwuel op dem Nebukadnezar seng Herrschaft ewéi och op Gott säi Kinnekräich. Daniel 4:17 liesen.a

Daniel 4:20-26 liesen. Dozou d’Tabell an d’Froen:

• (A) Wat huet den Nebukadnezar a sengem Dram gesinn? (Dozou d’Versen 20 an 21.)

• (B) Wat géif mam Bam passéieren? (Dozou de Vers 23.)

• (C) Wat géif no de „siwen Zäiten“ geschéien? (Dozou de Vers 26.)

Wat den Dram vum Bam mat Gott sengem Kinnekräich ze dinn huet

D’PROPHEZEIUNG (Daniel 4:20-36)

D’Herrschaft

(A) E risege Bam

D’Herrschaft ënnerbrach

(B) „Leet de Bam ëm“ a „siwen Zäite verginn“

D’Herrschaft erëm hiergestallt

(C) „Däi Kinnekräich gehéiert dann erëm dir“

Éischt Erfëllung:

• (D) Wie stellt de Bam duer? (Dozou de Vers 22.)

• (E) Wéi gouf seng Herrschaft ënnerbrach? (Daniel 4:29-33 liesen.)

• (F) Wat ass no de „siwen Zäiten“ mam Nebukadnezar geschitt? (Daniel 4:34-36 liesen.)

ÉISCHT ERFËLLUNG

D’Herrschaft

(D) Den Nebukadnezar, de Kinnek vu Babylon

D’Herrschaft ënnerbrach

(E) No 606 v. e. Z. verléiert den Nebukadnezar de Verstand an ass siwe Joer net an der Lag ze regéieren

D’Herrschaft erëm hiergestallt

(F) Dem Nebukadnezar säi Verstand kënnt erëm an hie regéiert nees

Zweet Erfëllung:

• (G) Wie stellt de Bam duer? (1. Chronika 29:23 liesen.)

• (H) Wéi ass hir Herrschaft ënnerbrach ginn? Firwat wësse mir, datt wéi Jesus op der Äerd war, dës Herrschaft ëmmer nach ënnerbrach war? (Lukas 21:24 liesen.)

• (I) Wéini a wou gouf dës Herrschaft erëm hiergestallt?

ZWEET ERFËLLUNG

D’Herrschaft

(G) D’Kinneke vun Israel, déi Gott seng Herrschaft vertrieden

D’Herrschaft ënnerbrach

(H) Jerusalem gëtt zerstéiert a wärend 2 520 Joer regéiert keen israelittesche Kinnek

D’Herrschaft erëm hiergestallt

(I) Jesus fänkt un, am Himmel als Kinnek vu Gott sengem Kinnekräich ze regéieren

5. D’Welt huet sech säit 1914 verännert

De VIDEO kucken.

VIDEO: D’Welt huet sech säit 1914 verännert (1:10)

Jesus huet virausgesot, wéi d’Welt wier, wann hie bis Kinnek ass. Lukas 21:9-11 liesen. Dozou dës Fro:

• Wat dovun hues du schonn erlieft oder héieren?

Den Apostel Paulus huet beschriwwen, wéi d’Mënschen an de leschten Deeg vun der Mënschenherrschaft sinn. 2. Timotheus 3:1-5 liesen. Dozou dës Fro:

• Wat dovun ass dir schonn opgefall?

6. Gott säi Kinnekräich regéiert – wouzou motivéiert eis dat?

Matthäus 24:3, 14 liesen. Dozou dës Froen:

• Wat fir eng wichteg Tätegkeet weist, datt Gott säi Kinnekräich elo scho regéiert?

• Wéi kanns du do matmaachen?

Gott säi Kinnekräich regéiert elo schonn, a geschwënn iwwer d’ganz Äerd. Hebräer 10:24, 25 liesen. Dozou dës Fro:

• Wat soll jiddweree vun eis maachen, wat den Dag méi no kënnt?

FAZIT

D’Prophezeiungen aus der Bibel an dat, wat an der Welt geschitt, beweisen, datt Gott säi Kinnekräich regéiert. Wa mir mat aneren doriwwer schwätzen an d’Versammlunge besichen, weise mir, datt mir dovun iwwerzeegt sinn.

Réckbléck

• Wat ass geschitt no de siwen Zäiten, déi am Bibelbuch Daniel virausgesot gi sinn?

• Wat iwwerzeegt dech, datt Gott säi Kinnekräich 1914 ugefaangen huet ze regéieren?

• Wéi kanns du weisen, datt s du dovun iwwerzeegt bass?

MÉI GEWUER GINN

Wéi huet sech d’Welt säit 1914 verännert? Wat Historiker an anerer doriwwer soen.

„Wéi et mat der Moral biergof goung“ (Erwachet!, April 2007)

E Mann erzielt, wéi d’Prophezeiung aus Matthäus 24:14 säi Liewe verännert huet.

„Ech hat nëmme Baseball am Kapp!“ (Der Wachtturm, Nr. 3, 2017)

Wouhier wësse mir, datt sech d’Prophezeiung aus Daniel, Kapitel 4 och op Gott säi Kinnekräich bezitt?

„Säit wéini regéiert Gott säi Kinnekräich? (Deel 1)“ (Der Wachtturm, 1. Oktober 2014)

Wéi kënnt een dorop, datt déi „siwen Zäiten“ aus Daniel, Kapitel 4 am Joer 1914 eriwwer waren?

„Säit wéini regéiert Gott säi Kinnekräich? (Deel 2)“ (Der Wachtturm, 1. November 2014)

Gott säi Kinnekräich regéiert elo schonn am Himmel. A geschwë verännert et villes hei op der Äerd. Kucke mir eis e puer Verännerungen un, op déi mir eis haut scho freeë kënnen.

1. Wéi suergt Gott säi Kinnekräich op der Äerd fir Fridden a Gerechtegkeet?

Jesus, de Kinnek vu Gott sengem Kinnekräich, vernicht am Krich vun Armageddon béis Mënschen a mënschlech Regierungen (Offenbarung 16:14, 16). Dann erfëllt sech d’Verspriechen: „Nëmmen nach eng kuerz Zäit an déi Béis gëtt et net méi“ (Psalm 37:10). Duerch d’Kinnekräich suergt Jesus dann dofir, datt op der ganzer Äerd Fridden a Gerechtegkeet ass. (Lies Jesaja 11:4.)

2. Wéi gesäit d’Liewen aus, wa Gott säi Wëllen op der Äerd geschitt?

Wa Gott säi Kinnekräich regéiert, erfëllen sech d’Wierder: „Die Gerechten werden die Erde besitzen und für immer auf ihr leben“ (Psalm 37:29). Stell dir vir, wéi et ass, wann et nëmmen nach gerecht Mënsche gëtt, déi Jehova gär hunn, een deen anere gär hunn, gesond sinn a fir ëmmer liewen.

3. Wat bréngt Gott säi Kinnekräich nach alles fäerdeg?

Nodeem Jesus déi béis Mënsche vernicht huet, regéiert hien als Kinnek fir 1 000 Joer. Hien an déi 144 000, déi mat him regéieren, hëllefen an dëser Zäit de Mënschen, vollkommen ze ginn. Um Enn vun den 1 000 Joer ass d’Äerd e wonnerschéine Paradis, an deem all Mënsche glécklech sinn, well si sech u Jehova seng Gesetzer halen. Da gëtt Jesus sengem Papp Jehova d’Kinnekräich zeréck. A Jehova säin Numm gëtt gehellegt, wéi ni virdrun (Matthäus 6:9, 10). Et ass dann endgülteg bewisen, datt Jehova e gudden Herrscher ass, deen sech ëm jiddweree këmmert. Hie vernicht den Däiwel, d’Dämonen an all déi, déi sech géint hie stellen (Offenbarung 20:7-10). Déi ideal Ëmstänn, déi duerch Gott säi Kinnekräich kommen, bleiwe fir ëmmer.

AN DEN DETAIL GOEN

4. Gott säi Kinnekräich mécht der Herrschaft vun de Mënschen en Enn

„De Mënsch huet iwwer de Mënsch zu sengem Schued geherrscht“ (Prediger 8:9). Jehova gebraucht säi Kinnekräich fir de Schued, deen ugeriicht ginn ass, erëm gutt ze maachen.

Daniel 2:44 an 2. Thessalonicher 1:6-8 liesen. Dozou dës Froen:

• Wat maache Jehova a Jesus mat de mënschleche Regierungen an deenen, déi si ënnerstëtzen?

• Wann s du un dat denks, wat s du schonn iwwer Jehova a Jesus weess, firwat kanns du dir sécher sinn, datt si gerecht a fair handelen?

5. Jesus ass den ideale Kinnek

Jesus mécht als Kinnek vu Gott sengem Kinnekräich vill Guddes. Hien huet scho bewisen, datt hien net nëmmen de Wonsch huet Mënschen ze hëllefen, mee datt Gott him och d’Muecht ginn huet et ze maachen. De VIDEO kucken.

VIDEO: Jesus huet gewisen, wat d’Kinnekräich bewierkt (1:13)

Wéi Jesus op der Äerd war, huet hien en Abléck ginn, wat duerch d’Kinnekräich alles méiglech ass. Op wat frees du dech am meeschten? D’Bibelverse liesen, déi an der Tabell stinn.

6. Duerch Gott säi Kinnekräich hu mir eng wonnerbar Zukunft

VIDEO: En Abléck an eng wonnerbar Zukunft (4:38)

Psalm 145:16 liesen. Dozou dës Fro:

• Wéi beréiert dech de Gedanken, datt vu Jehova gesot gëtt: „Du … stillst das Verlangen alles Lebenden“?

FAZIT

Gott säi Kinnekräich hält wat et versprécht. D’Äerd gëtt zu engem Paradis, an deem nëmme gutt Mënsche liewen, déi Jehova fir ëmmer ubieden.

Réckbléck

• Wéi gëtt duerch Gott säi Kinnekräich Jehova säin Numm gehellegt?

• Firwat kann een dorop vertrauen, datt sech duerch Gott säi Kinnekräich d’Verspriechen aus der Bibel erfëllen?

• Wann s du dorun denks, wat d’Kinnekräich alles bewierkt, wourop frees du dech am meeschten?

MÉI GEWUER GINN

Wat ass Armageddon wierklech?

„Wat ass d’Schluecht vun Armageddon?“ (Online-Artikel)

Wat geschitt wärend der grousser Drangsal, déi a Matthäus 24:21 erwäänt gëtt?

„Wat ass déi grouss Drangsal?“ (Online-Artikel)

Sech als Famill virstellen, wéi et herno am Paradis ass.

Gesäis du dech am Paradis? (1:50)

Am Artikel „Mir sinn dausend Froen duerch de Kapp gaangen“, erzielt e politesche Rebell, wéi hien endlech Äntwerten op seng Froe fonnt huet.

„D’Bibel verännert Liewen“ (Der Wachtturm, 1. Januar 2012)