Marke

16 Buna, Sabala bu yayôka, Maria Magdala, Maria nguri ya Zaki na Salome basumba mananazi mu kwe ma kwakasa mu mvumbi ya Yezu. 2 Mpe mu nkatika pari, mu tilumbu tia ntete tia lumingu, bwa tia bwisi bayenda ku mpiema. 3 Mpe batâ bawu na bawu: “Nani vindumuna tari die ha mwelo wa mpiema mu bungu dia beto?” 4 Kâ bu bananguna meso, bamona ti tari dia bativindumuna, ni bu sa ti dia nkatika dia dinene dieri. 5 Bu bakota mu mpiema, bamona ntwenia yimosi ya bakala yazakala ku lubakala, yalwata robe ya mpembe, mpe bunkuta bwababaka. 6 Wabatêla: “Ka lubândi na bunkuta. Yezu Musi-Nazarete wu bakengi ha poto luta dinga. Vumbukiri kwe ba fwa. Kena kû ko. Taleno, yi ni mbuka yi bamusekese. 7 Kâ yendeno, têleno milongoki miandi na Piere: ‘Ku Galile kalutekerele. Ni kûna lumumwina, ntiana kwa bu kalutêla.’” 8 Buna bu baduka, badioka na tintekoto mpe nsisi beri monaka. Mpe ka batâ na kani musamu kwe muntu ko mu bungu ti bunkuta bweri nawu.*