Nsambululu ya kanda ni ntsi e?

Tuka ntangu za ntama, Yehova zololo konso kanda diayokesaka ntangu tsintwari, mu tsindisa tsindiku tsiawu na Nzàmbi mpe tsia bawu na bawu. (Lubambu 6:6, 7) Ntsiangu Mbangi za Yehova babongaka ntangu kontso lumingu mu sambila Nzàmbi tsintwari​—ntsatu zawu za tsimpeve bamokenaka mu mpila yo yisa ti moshi na moshi kaba na nsayi. Ni bu ba kwa ngekaka, yilenda ba ntangu ya mbote ya yokesa na Nzàmbi mu longoka diambu dia Bibila dio disolele.

Yena ntangu ya pusana kwe Yehova. “Pusaneno kwe Nzàmbi, yandi mpe mbo kapusana kwe beno.” (Zaki 4:8) Mbo tutomo zaba Yehova bo mbo tulongokaka tsimuntu tsiandi mpe nsalulu zandi mu nkand’andi, Bibila. Mpila yambote ya batsika nsambululu ya kanda yena ya bonga mwa ntangu ya tanga tsintwari Bibila mu zu diangolo. Lulenda landa manaka ma Lukolo lwa tsisalu tsia teokrasi ma kontso lumingu. Lulenda hana kontso muntu wa kanda tsitini tsia tanga, mpe hamanima, lulenda mokena mio milutengi mu Matsonoko.

Yena ntangu ya tsindisa tsindiku na kanda diaku. Bo mbo balongokaka tsintwari mu kanda, m’kento na bakala, bibuti na bâla mpila moshi, tsindiku tsia bawu na bawu batsindisaka. Nsambululu ya kanda lufwetiba ntangu ya kiese, ya kiyengi mpe ntangu yikelaka konso muntu lumingu bashiri lumingu. Mu landa mvula za bala, bibuti balenda sola bimoko bio bilenda basarisa. Balenda sarila bimoko bie mu La Tour de Garde [Nzo ya Munkengi] mpe Réveillez-vous! [Vumbukeno!] peleko mu site Internet eto jw.org. Lulenda zonzela m’samu mia bwabane na bala beno ku lukolo mpe kabwe balendasa bamana vutubwabana na mio. Lulenda tanga mikunga mia lutanga ku tukutakanu mpe lulenda dia peleko nwa mwa tsima ha manima ma nsambululu ya kanda.

Yokisa kwa ntangu ya mbote kontso lumingu mu sambila Yehova tsintwari mbo kusarisa muntu na muntu mu kanda mu yangalala Zu dia Nzàmbi, mpe Nzàmbi mbo katomosakumuna ngolo zeno.​—Mikunga 1:1-3.

• Mubwenabwe tubongaka ntangu yasa nsambululu ya kanda e?

• Ngâna bwe bibuti balendasa ti ntangu yo yaba ya nsayi kwe babansoni mu kanda e?