Ngano mvutu za tusambulu twaku dingaka?

Bibila dia fuluka diena mu bifwani bia tusambulu twa tambula Yehova. Bisari bia Yehova bu biamona bwe Yehova keri belokelaka misamu miawu lwaka mpe kababakisa, diangana timinu tiawu tiayikama ngolo. Dieka bo, bubote bwena kwe beto mu bâ na bunsungu mu lusambulu, mpe tayêlaka mu bakulaka mvutu ya Yehova. Bambukaka ti mvutu yilendi bâ ya swaswana peleko yilendi yôka misamu mi walombele. (2Ko 12:7-9; Ef 3:20) Bwe Yehova kalendi hanina mvutu mu ndombolo zeto?

• Ngolo za tinsuni, za mabanza peleko za timpeve mu telamana musamu.​—Flp 4:13

• Ndwenga mu bonga nzengolo za mbote.​—Zk 1:5

• Nsatu na lenda dia sarila.​—Flp 2:13

• Tidzunu bu tubâka na lwaka.​—Flp 4:6, 7

• Lubakusu lwa tinsuni na lwa mabanza lwa bantu bakaka.​—1Za 3:17, 18

• Lubakusu kwe bô ba tusambirilaka.​—Bs 12:5, 11

TALENO VIDEO YA YEHOVA “WÂKA TUSAMBULU,” MPE HANENO MVUTU MU BIYUVU BITA LANDA:

• Bwe tinsamu tia mpangi Shimizu tilendi tu tindisila tala ti timbevo tie neto?

• Bwe tulendi landila tifwani tia mpangi Shimizu?