NDONGOSOLO 1

Mbatukulu ya mbote

Bisalu 17:22

MU BUKUFI: Mbatukulu’aku yifweti hana nsatu kwe bantu mu ku wâ, yifweti monekesa mutu-diambu’aku, mpe yifweti songela nsasa ya mutu-diambu.

Hana nsatu kwe bantu mu ku wâ. Sola tiyuvu, nzonzolo, tinsamu tia luzingu, peleko nsangu zihana nsatu kwe bantu mu ku wâ.

Ntete, tomo dimbitila misamu mi vulu yirikaka bantu, mi babelokelaka lwaka, mpe delakasa mbatukulu’aku na misamu mio.
Monekesa mutu-diambu’aku. Bâ na lukwikulu ti mbatukulu’aku mbo yitomo monekesa mutu-diambu na nsasa ya tinzonzi tiaku kwe bantu bata ku wâ.
Songela nsasa ya mutu-diambu. Delakasa misamu mita tâ na nsatu za bantu bata ku wâ. Bafweti tomo bakula bwe mutu-diambu wufweti tomo ba bakisila bawu beni.

Bu kubikaka tinzonzi tiyulaka: ‘Ngano ntia misamu mpangi zani mu timvuka babwabanaka na mio?’ Ha manima delakasa mbatukulu’aku na nsatu zawu.