NDONGOSOLO 11

Zonza na tiya

Bisi-Rome 12:11

MU BUKUFI: Zonza na tiya mu hana bantu nsatu mu ku wâ na mu ba tuma mu sarila misamu mita ba têla.

Tûla mutima mu mutu-diambu. Bu kubika tinzonzi tiaku, tomo banza mfunu ya nsangu zaku. Tomo zabirila mabanza ma longesa ngatu watâ mo mu mutima wawansoni.
Banza bantu bata ku wâ. Dimbitila bwe nsangu zi tanga peleko zi longesa zinatina ndandu kwe bantu bakaka. Dinga mpila zi têla nsangu zango mu yangirika bantu bata ku wâ.
Zonza na tiya twatwansoni. Zonza na luhemo. Sarila bidimbu bifwanane (gestes) mpe tidiri tiaku tifweti songela mabanza me naku ku mutima.

Kusarilandi kwa bidimbu bimosi na mako maku ngatu walembo wubakasa bantu bata ku wâ. Sarila bidimbu bia delakana. Bâ na tiya bu longesaka mabanza ma nguri na bu tumaka bantu bata ku wâ mu sarila mo. Tiya ka tutomo’andi yôka, buna bantu bata ku wâ mbo bakufwatika.