Longesa mu mpila yilembolo mpasi

Yezu nti kasa

VIDEO: Yezu ta sarila tifwani mu songela ti Tata’andi beto kakipaka

1. Tala VIDEO, peleko tanga Matie 6:25-27. Ha manima taluzula biyuvu bita landa:

1. Bwe Yezu kasarila tifwani mu songela ti Yehova beto kakipaka?

2. Ni bu sa ti Yezu misamu miamingi kazaba mu banuni, mu ntia misamu katomo sila mutima? Mu bungu dia nti ye mpila ya mbote ya longesela?

Ngano nti tuta longaka mu Yezu?

2. Bu tulongesaka mu mpila yilembolo mpasi, bantu mbo babambukila misamu mi tabalongesa mpe mbo tusimba mitima miawu.

Landa tifwani tia Yezu

3. Kuzonzandi kwakwingi. Kani tatâ misamu miamiansoni mi tuzebi mu diambu dimosi, tatûla mutima mu misamu mie mu mukanda wa ndongokolo. Bu mana yula biyuvu, kêla na luvivululu ti mulongoki’aku kahana mvutu. Tala ti ka zebi’â mvutu ko peleko têle mabanza mata lembo delakana na ndongosolo za Bibila, sarila biyuvu biakaka mu mu bakisa mu yindula mu musamu wo. Bu kamana bakula mabanza ma nguri, yôkeno mu musamu wakaka.

4. Bakisa mulongoki’aku mu sa tintwari ha kati dia misamu mi kazebi na ndongosolo za môna. Mu tifwani, ntete lwabatika timoko titariri mvumbukulu ya ba fwa, taluzula mu bukufi misamu mi zebi mulongoki mu bungu dia bantu bafwa.

5. Tomo sarila bifwani. Ntete wasarila tifwani, tiyula:

1. ‘Ngano tifwani ti mpasi tiena mu bakula?’

2. ‘Ngano mulongoki’ani mbo katomo tia bakula?’

3. ‘Ngano mbo tibakisa mulongoki’ani mu bambukila mabanza ma nguri—kani kabambukila kwa tifwani?’