LUZINGU LWA BAKRISTO
Dingaka mu zaba mabanza ma Nzambi
Mu miamiansoni tuzololo tatâ Yehova nsayi. (Bin 27:11) Mu sila bo, tufweti bonga nzengolo zidelakane na mabanza ma Yehova, ni bu sa ti ka kwena musiku ko wututwarisa, peleko ntumunu, yita tomo tarila diambu dio. Nti bitubakisa mu sila bo?
Bâ na tifu tia longokaka Bibila. Bu tutangaka Bibila, ntiana kwa beto tuyôkesa ntangu na Yehova. Tulendi longoka misamu miamingi mu mbanzulu za Yehova bu tukwe taluzuri mpila yi kabongela bantu bayirika misamu mia mbote peleko mia mbi ha meso mandi. Tala ti nzengolo tuta zolo bonga, mpeve santu yilendi tu bambula malongi na mitieno mia mfunu mi talongoka mu Zu dia Nzambi.—Za 14:26.
Dingaka nsangu zakaka. Tala ti nzengolo tazolo bonga, tiyula: ‘Ntia verse peleko ntia tinsamu tia Bibila tilendi kumbakisa mu bakula bwe Yehova kata mwina diambu dio?’ Sambila mu baka lubakusu lwa Yehova, mpe sarila bisalulu bia Organizasio bie mu zu diaku, bilendi ku bakisa mu dzukula na mu sarila mitieno mia Bibila mitariri musamu’aku.—Mik 25:4.
TALENO VIDEO YA TUFWETI ‘TATAMANA MU DIOKA’—TADIENO BIDIA BIA MBOTE, MPE HANENO MVUTU MU BIYUVU BITA LANDA:
Ntia nkwamusu mpangi ya mu video kabwabana na yo?
Bwe lendi sarila bisalulu bia dingila, mu telamana nkwamusu za mpila yo?
Ntia ndandu tubakaka bu tubongaka ntangu ya dinga na ya longoka beto beni ngatu talenda mu bonga nzengolo za mbote?—Eb 5:13, 14