Bwe basarilaka video za ndongokolo ya Bibila

Video za ndongokolo ya Bibila ziyá ze neto mu bungu dia tisalu tia samuna. Mu bungu dia nti bayirikila zo?

• 

  Mu bungu dia nti tufweti longoko Bibila?—Video ya yila bayizi ya yirika mu hana bantu nsatu ya longoka Bibila ntono nkwikulu zawu. Bantu yitindisaka mu taluzula Bibila ngatu babaka mvutu mu biyuvu bia nguri bia luzingu mpe nsangu zakaka yihana ze mu Bibila. Mpila yisongelaka yi balombelaka ndongokolo ya Bibila.

• 

  Mu bungu dia nti tufweti longoko Bibila? (video ya nkufi) yidelakane na video ya yila kâ ya nkufi yena. Video yo yilendi tomo delakana mu teritware ye na bantu balembolo na ntangu yayingi.

• 

  Bwe ndongokolo ya Bibila yisalamanaka? bayirika yo mu hana nsatu kwe bantu ya zolo programe’eto ya ndongokolo ya Bibila, mu hana mvutu mu biyuvu bivulu bâka na bantu mu Bibila, na mu songela mpila yi balombelaka ndongokolo ya Bibila.

• 

  Mpila yi yôkela ndongokolo’aku ya Bibila bayizi ya yirika mu songela yo kwe mulongoki wa Bibila. Ni bu sa ti video ha tinima tia nzole ya buku dia Bâ mu nsayi ntangu zazansoni! yena, balendi ya songela mu ntangu yi bataluzulaka mukanda wa Bâ mu nsayi ntangu zazansoni! Video misamu mie mu buku yizonzelaka, na mio milendi kekolo mulongoki mu ndongokolo.

Ni bu sa ti muna video bayizi ya yirika mu bungu dia musamu wumosi, balendi za songela peleko balendi za tambika kwe muntu tala ti wufwanane. Bisamuni bifweti tomo zabirila video zo mpe bifweti tomo za sarila mu tisalu tia samuna.