Kubika mutima’aku

Bu tulongokaka Bibila, tuzololo ti mabanza ma Yehova masimba mutima’eto peleko timuntu tieto tia ku kati. Ezdrase wasongela tifwani tia mbote mu musamu wo bu ‘kakubika mutima’andi mu taluzula Musiku wa Yehova.’ (Ezd. 7:​10, NWT) Bwe tulendi kubikila mutima’eto?

Sambila. Sambila ntete wabatika mu longoka. Lomba kwe Yehova kakubakisa mu bakula na mu sarila mio mi longokele.—Mik. 119:​18, 34.

Bâ wa kuluka. Nzambi matieleka kaswekaka kwe bô bê na lulendo mpe babanzaka ti ka bena na nsatu lubakusu lwandi ko mu bakula Bibila. (Like 10:21) Mpe ka tudingaka ko mu longoka ngatu tasongela kwe bantu bakaka ti luzabu lwalwingi lwe neto. Na kuluka kwakwansoni, soba mabanza maku tala ti ka mata delakana ko na mo ma Nzambi.

Dinga mu wirikila mukunga wa Timfumu. Mukunga wulendi simba mabanza meto. Tala ti tuwirikiri mukunga wumosi ntete talongoka, wulendi tu bakisa mu tûla mabanza meto mu Yehova ngatu misamu mi tulongoka miasimba mutima’eto.