BIYUVU BIA BANTWENIA
Bwe Bibila dilendi kumbakisila?—Lweka 2: Tomesa ntangulu’aku ya Bibila
“Will, ntwenia yimosi, têle ti: “Bibila dilendi tâ bubolo tala ti ka tuzebi’â ko bwe tutangila dio.”
Ngano zolo wazaba malongi makubakisa mu zolo ntangulu ya Bibila? Mutu-diambu wu mbo wukubakisa.
Zonzesa Matsonoko
Tomo kota mu ntangulu’aku. Lendi sarila mpila yita landa:
Sola tinsamu tia Bibila ti ta zolo longoka. Lendi sola musamu wayôka peleko evanzile. Lendi sola mpe tinsamu mu drame za ntangulu za Bibila ze mu jw.org.
Tanga tinsamu. Lendi tia tanga nge kaka, peleko lulendi tia tanga mu zu dia ngolo na ndiku zaku, peleko na kanda diaku. Muntu wumosi wulendi bâ nzonzi, mpe bakaka bantu ba mu Bibila.
Yêla malongi mata landa:
Yirika bifwani bia tinsamu. Peleko yirika tablo ya bifwani bia fioti fioti yimonekesa misamu buna bu miayôkela. Yika bidimbu mu zabikisa misamu miayôka mu bitini biabiansoni.
Yirika diagrames. Mu tifwani, buta kwe tangi tinsamu tia muntu wa kwikama, kwelesa bifu na nsalulu zandi na tusakumunu tu kabaka.
Zonzela nsangu za tinsamu. Zonzela tinsamu tiango mu mpila zazingi, mpe sa “interview” ya bantu ba nguri mpe zonzesa mbangi za tinsamu.
Tala ti muntu wabonga nzengolo ya mbi, mu banzila nsuka yakaka. Mu tifwani, Piere bu kakala Yezu. (Marke 14:66-72) Ngano bwe kaketi sa mu lenda mu telamana nkwamusu?
Tala ti lenda na dio, tsoneka tinsamu tiango mu mpila ya nge beni na malongi ma lendi mwa bakila.—Bisi-Rome 15:4.
Lendi zonzesa Bibila!
Yika ndilu!
Tala taluzuri misamu mia fioti fioti, lendi dzukula bimvwama biaswekama mu tinsamu. Diangana, ntangu zakaka ntêlo yimosi peleko zole zilendi ku longesa misamu miamingi mia mfunu.
Mu tifwani, fwanakasa Matie 28:7 na Marke 16:7.
Mu bungu dia nti Marke katomo tâ ti Yezu mbo kaketi moneka kwe milongoki “na kwe Piere”?
Diambu: Marke kamona misamu miango ko; buna Piere wamuzonzela mio.
Timvwama tia swekama: Mu bunfu dia nti Piere kaketi baka lutindusu bu kaketi wâ ti Yezu yandi keri dingaka? (Marke 14:66-72) Bwe Yezu kabêla ndiku ya mbote mu bungu dia Piere? Bwe lendi landila tifwani tia Yezu mpe bêla ndiku ya mbote mu bungu dia bantu bakaka?
Wamana zonzesaka tinsamu mpe yikiri ndilu, mbo tomo mona nsayi mu ntangulu ya Bibila!