Mikanda mu bungu dia Mukanda wa lukutakanu lwa Luzingu na tisalu

© 2022 Christian Congregation of Jehovah’s Witnesses

2-8 JANVIER

BIMVWAMA BIA ZU DIA NZAMBI | 2 MITINU 22-23

“Mu bungu dia nti tufweti bâ ba kuluka?”

w00-F 15/9 29-30

Yoziase​—Tifu tia kuluka bweso bwa Yehova tinaka

Mu nkatika pari, bisari bia Tempelo bibatikiri mu sala. Diangana, Yoziase Yehova kata tonda bu kakaturi mbi ya tulumuna nkaka zandi mu nzo ya Nzambi. Bisalu bu bita kwe salame, Shafane wizi mu hana nsangu. Kâ rulo yo yi kasimbiri ha koko ni nti? Sekretere mu têlele ti Mfumu-Nganga-Nzambi Hilkia wizi dzukula “buku dia musiku wa hana Yehova mu koko kwa Mose.” (2 Ntangu 34:12-18) Wa nzitukulu wena​—ntembe kâni, mukanda wa ntete wena wa Musiku!

Yoziase timina die nandi dia wâ misamu miamiansoni mia buku dio. Shafane bu kata kwe tangi, mutinu sariri ngolo mu bakula bwe muna ntumunu yita mu tarila, yandi, na bantu babansoni. Yandi tomono yituku mu mpila buku yi dita songela mfunu ya nsambululu ya matieleka, mpe yi dita kanisina ndoko na bungamba tala ti bantu batatamane mu nsambululu ya bungungu. Bu kata bakula ti ntumunu za Nzambi ka bayizi’â za landa ko, Yoziase tendele binkuti biandi mpe heni ntumunu kwe Hilkia, kwe Shafane na kwe bakaka: ‘Yuleno Yehova mu bungu dia misamu mia buku dio; mu bungu ti nkesi za Yehova zazingi zena mu bungu dia beto, mu bungu ti nkaka zeto ka zayizi’â landa misamu mia buku dio ko.’​—2 Mitinu 22:11-13; 2 Ntangu 34:19-21.

w00-F 15/9 30 par. 2

Yoziase​—Tifu tia kuluka bweso bwa Yehova tinaka

Binati-nsangu bia Yoziase bie monekena mbikuri Hulda ku Yerusaleme mpe bikêri mu hana nsangu. Hulda zu dia Yehova kata hana; mpasi zi bazonzela mu buku di badzukuri ka ntama ko mbo zibwila kanda dia aposta. Kâ, mu bungu ti yandi wakulukiri ha meso ma Yehova, Yoziase ka mona mpasi zo ko. Yandi mbo bamuzika na nkaka zandi mpe mbo bamunata ku ndiamu mu tidzunu.​—2 Mitinu 22:14-20; 2 Ntangu 34:22-28.

Bimvwama bia timpeve

w01-F 15/4 26 par. 3-4

Lendi lenda ntono mpila ya mbi yi bakusansila

Ni bu sa ti misamu mia mbi kabwabana na mio mu bumwana bwandi, Yoziase wayirika misamu mia mbote ha meso ma Yehova. Mu bungu ti walenda luyâlu lwandi, Bibila ditâka: “Ntete yandi, ka kwabâ mutinu ko ntiana yandi wakâla kwe Yehova mu mutima’andi wawansoni, mu tilundi tiandi tiatiansoni na mu ngolo zandi zazansoni, tintwari na musiku wawansoni wa Mose; mpe ha manima mandi ka kwayizi bâ mutinu ntiana yandi ko.”​—2 Mitinu 23:19-25.

Ntia mpila tifwani Yoziase kasisa kwe muna muntu wabwabana na bumwana bwa mpasi? Ntia malongi tulendi mwa bakila? Nti biabakisa Yoziase mu sola nzila ya mbote na mu tatamana?

9-15 JANVIER

BIMVWAMA BIA ZU DIA NZAMBI | 2 MITINU 24-25

“Ka luzimbakanandi ntangu yi twena”

w01-F 15/2 12 par. 2

Tilumbu tia mfundusu ya Yehova tieka penepene!

² Ntembe kâni, bu kabikula Sofoni watomo lwengesa mitinu Yoziase weri ntwenia mu mfunu ya katula nsambululu ya mvindu ku Yuda. Kâ ntono ngolo za sarila mutinu mu katula mabundu ma mbi mu nsi’andi, yandi ka lenda ko mu katula mbi yabâ kwe bantu na mu baka mulemvo wa masumu ma nkaka’andi, mutinu Manase, “wafulusa Yerusaleme mu menga ma bantu balembo zaba musamu.” (2 Mtinu 24:3, 4; 2 Ntangu 34:3) Ntiangu, tilumbu tia mfundusu ya Yehova mbo tikwiza buna bu kakubikila tio.

w07-F 15/3 11 par. 10

Misamu mia mfunu mia mukanda wa Yeremi

Mu muvu wa 607 N.M.B. Sedesiase mu muvu wa 11 kena wa luyâlu lwandi. Ngonda zeka 18, tûka ntangu mutinu wa Babilone, Nebukadnezare, kata zungirila Yerusaleme. Mu muvu wa 19 wa luyâlu lwa Nebukadnezare, mu ngonda ya 5, tilumbu tia 7, Nabuzaradane, mfumu ya minkengi mia mutinu, ‘turiri’ ku Yerusaleme. (2 Mitinu 25:8) Mu camp’andi yita tarisa ku bibaka bia hata, kampe Nabuzaradane longokele misamu mpe kubikiri nkotolo. Diangana, bilumbu bitatu ha manima, tilumbu tia 10 tia ngonda, yandi ‘kotele’ ku Yerusaleme mpe yokelele yo.​—Yeremi 52:12, 13.

Bimvwama bia timpeve

w05-F 1/8 12 par. 1

Misamu mia nguri mia mukanda wa 2 Mitinu

24:3, 4. Mu bungu dia menga ma tsamuna Manase, Yehova “ka tambula ko mu lemvokela” Yuda. Menga ma bantu balembolo zaba musamu ntalu mena kwe Nzambi. Tulendi bâ na lukwikulu ti Yehova mbo kakârisa mbi mu bungu dia menga ma bantu balembo zaba musamu bu kafukisa bô bayizi ma tsamuna.​—Mikunga 37:9-11; 145:20.

16-22 JANVIER

BIMVWAMA BIA ZU DIA NZAMBI | 1 NTANGU 1-3

“Bibila​—Buku dia matieleka, ka dia binsamu’â ko”

w09-F 1/9 14 par. 1

Adame and Eva​—Ngano bantu ba matieleka babâ?

Tazonzeleno liste ya makanda ma Bayuda ye mu 1 Ntangu tikapu 1 tii 9 na mu Evanzile ya Like tikapu 3. Makanda mo ma batomo zonzela, mbandu 48 mena mu 1 Ntangu, mpe mbandu 75 mu mukanda wa Like. Mukanda wa Like nkaka za Yezu Kristo wuzonzelaka, mpe mukanda wa Ntangu, makanda ma mitinu na ma Nganga-Nzambi za kanda dia Israele wuzonzelaka. Muna mukanda nkumbu za bantu ba nsangu ntiana Salomo, Davide, Yakobe, Izake, Abrahame, Noa, na Adame wuzonzelaka. Mu liste zo za zole, nkumbu zazansoni bantu ba matieleka zimonekesaka. Muna liste Adame yizonzelaka weri muntu wa matieleka na wa ntete.

w08-F 1/6 3 par. 4

Noa na delize​—Matieleka, ka tinsamu’â ko

Mu Bibila liste zole za makanda ze mô zisongelaka ti Noa muntu wa matieleka wabâ. (1 Ntangu 1:4; Like 3:36) Esdrase na Like bayizi tsoneka liste zango, bantu beri tomo taluzulaka misamu babâ. Like wayizi zonzela Noa ha kati dia nkaka za Yezu Kristo.

w09-F 1/9 14-15

Adame na Eva​—Ngano bantu ba matieleka babâ?

Tazonzeleno nkwikulu ye mfunu kwe bantu basambilaka​—nkûlulu. Mu ndongosolo yo, Yezu Kristo wahana luzingu lwandi lwa lunga mu nkûlulu, mu kûla bantu mu masumu mawu. (Matie 20:28; Za 3:16) Wa tuzebi, nkûlulu mfutulu yena mu kûla tima timudelakane, ti bahombesa peleko ti bawuka. Ntiangu Bibila ditâka Yezu “nkûlulu ya delakana.” (1 Timote 2:6) Kâ, ya delakana na nti? Bibila ditêle: “Mu bungu ti mu Adame babansoni fwa bafwaka, mpila mosi mpe mu Kristo, babansoni mbo bakâla ku luzingu.” (1 Bisi-Korente 15:22) Luzingu lwa lunga lwa hana Yezu mu mukayulu mu kûla bantu batumamaka, ludelakane na luzingu lwa lunga lwa hombesa Adame ha manima ma disumu dia ku Edene. (Bisi-Rome 5:12) Diangana, tala ti Adame ka bâ muntu wa matieleka ko, mukayulu wa nkûlulu ya Kristo ka waketi’â bâ na nsasa ko.

Bimvwama bia timpeve

it-1-F 977 par. 2-3

Liste za makanda

Nkumbu za bakento. Liste za makanda bakento zeri zonzelaka bu beri bâka na musamu wa mfunu wu baketi bwa sila. Mu Mbatukulu 11:29, 30, nkumbu ya Sarayi (Sara) tudzukula, kampe mu bungu ti butu dia kani mu yandi diaketi dukila, ka mu mukento wakaka ko wa Abrahame. Kampe bu bazonzelaka Milka mu verse zo kwa, ni mu bungu ti yandi ni nkaka ya Rebeka, mukento wa Izake. Mpila yena ya songela ti nkaka za Rebeka mu kanda dia Abrahame zatûka, mu bungu ti Izake ka fweti’â kwela mukento wa makanda makaka ko. (Mb 22:20-23; 24:2-4) Mu Mbatukulu 25:1, nkumbu ya Ketura bazonzelaka mukento wakaka wa Abrahame mu luzingu lwandi. Wusongele ti Abrahame wavutu kwela ha manima ma lufwa lwa Sara mpe watatamana mu bâ na lenda dia buta, mvula 40 ha manima ma ntangu Yehova yi kasa timangu mu mu hana lenda dia buta. (Ro 4:19; Mb 24:67; 25:20) Mpe, misamu mio misongele tintwari tiabâ ha kati dia kanda dia Israele, kanda dia Madiane na makanda makaka ma Ba-Arabe.

Lea, Rashele, makangu ma Yakobe na bala ba babuta, bawu bazonzelaka mpe. (Mb 35:21-26) Musamu wo beto wubakisaka mu bakula mpila Nzambi yi kabongela bala bo. Mu liste zo za makanda, nkumbu zakaka za bakento ze mô mu bungu dia misamu mia mpila yo. Bawu beri zonzelaka mu ntangu yi baketi biarila fwa dia kanda. (Lu 26:33) Diangana, Tamare, Rahabe na Rite mu bungu dia misamu mia nzitukulu ba bazonzelaka. Mu miamiansoni, musamu wa nzitukulu wusongelaka bwe bakento bo babazonzelaka mu liste ya nkaka za Masiya, Yezu Kristo. (Mb 38; Ri 1:3-5; 4:13-15; Mt 1:1-5) Bakento bakaka mpe bazonzelaka mu liste za makanda, mu tifwani mu 1 Ntangu 2:35, 48, 49; 3:1-3, 5.

23-29 JANVIER

BIMVWAMA BIA ZU DIA NZAMBI | 1 NTANGU 4-6

“Tusambulu twani nti tuzabikisaka mu meno?”

w10-F 1/10 23 par. 3-7

Wô “wâka lusambulu”

Yabeze muntu wa lusambulu wabâ. Lusakumunu lwa Yehova kata lomba ku mbatukulu ya lusambulu lwandi. Yandi wasa ndombolo zitatu zasongela ti timinu tia ngolo tiabâ nandi.

Ntete, Yabeze lombele kwe Nzambi: “Kurisa tizunga tiani.” (Verse 10) Muntu wo wa buzitu, kena wa mbi ko mu dienokena nsi za bampwana’andi. Ntembe kâni, ndombolo’andi ya nsungu bantu yita tarila, ka bizunga ko. Kampe yandi lombele ti tizunga tiandi tiakula mu tidzunu, mu bâ na bisari biabingi bia Nzambi ya matieleka.

Wa nzole Yabeze yawuri kwe Nzambi ngatu “koko kwandi” kwabâ kwe yandi. Tifwani tia koko kwa Nzambi, ni ngolo zandi zi kasarilaka mu bakisa bisari biandi. (1 Ntangu 29:12) Mu baka bio bi kakekolo, Yabeze pusane kwe Nzambi we na koko kulembolo kwa nkufi mu bungu dia bô basarilaka timinu mu Yandi.​—Izaya 59:1.

Wa ntatu Yabeze lombele: “Kunkengerela mu mpasi, ngatu musamu wo walembo ku natina matimuna.” Nzonzolo ya “ngatu musamu wo walembo ku natina matimuna” yilendi zolo tâ ti Yabeze sambiri, ka mu dioka mpasi’â ko, kâ mu lembo kota mu bunôkena bwa nsobolo zi nata mpasi.

Lusambulu lwa Yabeze lusongele ti nsambululu ya matieleka keri belokelaka lwaka, timinu tia bâ nandi na lukwikulu mu Wô wâka lusambulu. Bwe Yehova kata hanina mvutu? Nsuka ya tinsamu yitêle: “Buna, Nzambi walungisa mio mi kalomba.”

Bimvwama bia timpeve

w05-F 1/10 9 par. 7

Misamu mia mfunu 1 Ntangu

5:10, 18-22. Mu ntangu ya mutinu Sawule, makanda ma ku Este ya Zurde manunga Ba-Hagrite, ni bu sa ti Ba-Hagrite ba nkatika babingi babâ. Bwe basa mu lenda? Babakala bo beri na butindi ba makanda mo, batûla lukwikulu lwawu mu Yehova, mpe badinga lubakusu lwandi. Buna, tabêno na lukwikulu lwa lunga mu Yehova mu muzingu’eto wa timpeve, ni bu sa ti ngolo za nkatika za fioti kwa ze neto.​—Bisi-Efeze 6:10-17.

30 JANVIER–5 FÉVRIER

BIMVWAMA BIA ZU DIA NZAMBI | 1 NTANGU 7-9

“Lendi lungisa bisalu bia mpasi na lubakusu lwa Yehova”

w05-F 1/10 9 par. 8

Misamu mia mfunu mia mukanda wa 1 Ntangu

9:26, 27. Balevite beri kengerelaka mielo, dema dia nkatika dia dinene dia bâ nawu. Vungula beri ba hanaka za mielo mia mbuka za santu za Tempelo. Bilumbu biabiansoni ni bawu beri zibulaka mielo. Beto mpe tisalu tabakiri tia kwenda kwe bantu ba teritware’eto mu ba bakisa mu sarila Yehova. Ngano ka tufweti’â tasongela bunsungu ko ntiana Balevite beri kengerelaka mielo?

w11-F 15/9 32 par. 7

Ngano lendi bâ ntiana Finease bu nungaka nkwamusu?

Finease madema ma manene ma bâ nandi ku Israele; kâ butindi bwandi, lenda diandi dia bakula na lukwikulu lwandi mu Nzambi biamuhana lenda dia nunga nkwamusu. Luhemo lwandi lwasa ti kabaka bweso bwa Yehova. Kampe mvula 1 000 ha manima, Esdrase watsoneka mu lutumu lwa mpeve ya Nzambi: “Ni Finease, mwana wa Eleazare, mu ntama wabâ ntwarisi’awu. Yehova na yandi kabâ.” (1 Nta. 9:20) Bika Yehova kabâ na bô babansoni balungisaka madema mu timvuka tia Bakristo na bisari biabiansoni biakaka bia kwikama.

Bimvwama bia timpeve

w10-F 15/12 21 par. 6

Tanga mikunga mu bungu dia Yehova!

⁶ Buna ni Yehova, mu nzila ya mbikuri zandi, walomba kwe bisari biandi mu mu kembelaka mu mikunga. Bantu beri tangaka mikunga mu kanda dia Levi, ka beri’â salaka bisalu bimosi ko na Balevite bakaka. Buna, ntangu yayingi yabâ nawu mu kubikaka mikunga na mu kârilaka mio.​—1 Nta. 9:33.

6-12 FÉVRIER

BIMVWAMA BIA ZU DIA NZAMBI | 1 NTANGU 10-12

“Yika ngolo nsatu’aku ya sarila luzolo lwa Yehova”

w12-F 15/11 6 par. 12-13

“Kundongesa mu sarila luzolo lwaku”

¹² Davide mitieno mieri mu musiku keri bakulaka, mpe wadinga mu sarila mio. Mu tifwani, tilumbu timosi, yandi wadinga mu “nwa mamba ma bulu dia ku Beteleyeme.” Bantu bandi ba batatu bakota mu ngolo mu mumvuka​—kweri Bafiliste—​mpe banata mamba. Kâ, “Davide katambula ko mu nwa mamba mango, kâ watsamuna mo mu bungu dia Yehova.” Mu bungu dia nti? Davide watâ: “Ka wudelakane’â ko kwe meno, mu bungu dia Nzambi’ani, nayirika wo! Ngano mbo ninwa menga ma bantu bô baketi hombesa luzingu lwawu? Mu bungu ti luzingu lwawu bakotese mu mpasi mu ku natina mo.”​—1 Nta. 11:15-19.

¹³ Davide wazaba ti tintwari na Musiku, ka bafweti’â dia menga ko, kâ bafweti ma tsamuna mu bungu dia Yehova. Yandi wabakula mpe mu bungu dia nti; wazaba ti tilundi tia musunia mu menga tiena.” Kâ mamba mabâ, ka menga ko. Mu bungu dia nti Davide kata karila mu nwa mo? Yandi wabakula mutieno wusikamanaka ntumunu yo. Kwe Davide, mamba mafwanana na menga ma bantu bo ba batatu. Dieka bo, ka wadelakana ko kwe yandi mu nwa mamba mo. Ntiangu kabanza ti bafweti ma tsamuna ha mutoto.​—Lev. 17:11; Lub. 12:23, 24.

w18.06-F 17 par. 5-6

Bika misiku na mitieno mia Nzambi mialonga ngindu’aku

⁵ Mu baka ndandu mu misiku mia Nzambi, ka tufweti’â kwa tatanga mio ko, mpe tazaba mio. Tufweti mia zolo mpe tufweti mia zitisa. Bibila ditêle: “Yineno mbi mpe zoloeno mbote.” (Amose 5:15) Kâ bwe tusila? Tufweti longoka mu mwina misamu ntiana Yehova. Tabongeno tifwani: Banza’eti ti kuta lenda ko mu sêka. Doktere ku têlele mu diaka bubote, mu saka sport na mu sa nsobolo zakaka mu mbêlo’aku. Ha manima, yirikiri mi kakulombele, mpe bubêle! Diangana mbo tomo kwizi tonda doktere’aku mu bungu dia malongi mandi ma mbote.

⁶ Mpila mosi, Mvangi’eto yatuhana misiku milendi tu kengerela mu mpasi zi nataka ndiatulu ya mbi, na mu tomesa luzingu lweto. Mu tifwani, banza misiku mitariri bungungu, bumbaki, bwivi, bunsuza, miangu na bunganga. (Tanga Bingana 6:16-19; Nza. 21:8) Bu tutumamaka, ndandu zazingi tubakaka, mpe luzolo lweto mu Yehova na mu misiku miandi ngolo luyikamaka.

Bimvwama bia timpeve

it-1-F 492 par. 2-3

Mutima

Sarila na “mutima wa lunga.” Nkatika mutima wufweti bâ wa lunga mu sala bubote, kâ mutima wa tifwani wulendi bâ wa kabana. Davide wasambila: “Sa ti mutima’ani wabâ wa mukaka ngatu natîna nkumbu’aku.” Wuzololo tâ ti tulendi bâ na mutima wa kabana mu mbanzulu zeto na mu lwaka lweto. (Mik 86:11) Muntu wa mpila yo wulendi bâ na “mutima wa kabana”​—peleko Nzambi kasarilaka mu bunôkena. (Mik 119:113; Nza 3:16) Muntu wulendi bâ mpe na “mitima miole” (mpila mosi, mutima na mutima), bu kakwe yêle mu sarila mfumu zole, peleko mu bungungu bu katâ musamu wumosi, kâ wakaka kata banza. (1Nt 12:33; Mik 12:2, note) Yezu watomo semba bungungu bwa bô bê na mitima miole.​—Mt 15:7, 8.

Wô zololo mu tâ Nzambi nsayi, kafweti’â kabâ na mutima wa kabana ko, peleko mitima miole. Kâ fweti sarila Nzambi mu mutima wa lunga. (1Nt 28:9) Ngolo zidinganaka mu bungu ti mutima wa nkatika wa mbi wena mpe mbanzulu za mbi ze nandi. (Yr 17:9, 10; Mb 8:21) Mu lunda mutima wa lunga, tufweti sambilaka na bunsungu (Mik 119:145; Bd 3:41), tufweti longokaka Zu Nzambi (Ed 7:10; Bin 15:28), tufweti samunaka nsangu za mbote na luhemo (fwanakasa Yr 20:9) mpe tufweti bâ ndiku ya bantu bê na mitima mia lunga mu bungu dia Yehova.​—Fwanakasa 2Mi 10:15, 16.

FÉVRIER 13-19

BIMVWAMA BIA ZU DIA NZAMBI | 1 NTANGU 13-16

“Landaka lutwalusu mu lenda misamu”

w03-F 1/5 10-11

Ngano nge tiyulaka: “Yehova kwe kena?”

¹² Bu bamana kârisa Nkela ya luwawanu ku Israele, mpe bu yayôkesa mvula zazingi ku Kiriate-Yerarime, mutinu Davide wadinga mu nata yo ku Yerusaleme. Yandi wakutakasa mfumu za kanda dia Israele, mpe wabatêla ti Nkela mbo baketi ya soba mbuka, ‘tala ti musamu wa mbote wabâ kwe bawu mpe tala ti Yehova wa keri tambulaka.’ Kâ, ka tomo’â dinga ko mu zaba tala ti luzolo lwa Yehova lwabâ mu musamu wo. Tala ti bwa kasa, Nkela ka baketi’â ya natina ha zulu tipusu ko. Balevite bo, babâ bala ba Kehate, mbo baketi ya natina ha mahembo mawu, buna bwa lombela wo Nzambi. Davide Yehova keri vulu yulaka, kâ mu musamu wo walembana mu yirika musamu wafwanana. Misamu miatulumuka mia mbi miabâ. Ha manima, Davide watambula: “Yehova Nzambi’eto watukabakase, mu bungu ti ka tamudingiri’â ko tintwari na tikulu.”​—1 Ntangu 13:1-3; 15:11-13; Lutangu 4:4-6, 15; 7:1-9.

w03 1/5 11 par. 13

Ngano nge tiyulaka: “Yehova kwe kena?”

¹³ Ha manima, Balevite bu banata Nkela tûka nzo ya Obede-edome tii ku Yerusaleme, bawu batanga mukunga wakubika Davide. Mukunga wo musamu wa mfunu weri bambulaka: “Dingeno Yehova na ngolo zandi, dingeno tidiri tiandi ntangu zazansoni. Bambukileno bisalu biandi bia nzitukulu bi kalungisa, bimangu biandi na nzengolo za munwa’andi.”​—1 Ntangu 16:11, 12.

Bimvwama bia timpeve

w14-F 15/1 10 par. 14

Kundeno Yehova mutinu wa ntangu zazansoni

¹⁴ Davide wanata nkela ya santu ya luwawanu ku Yerusaleme. Mu tilumbu tio tia nsayi, Balevite batanga mukunga wa mukembo wabâ na nzonzolo ya mfunu ye mu 1 Ntangu 16:31: “Têno ha kati dia makanda: ‘Yehova weka mutinu!’” Tulendi tiyula: ‘mu bungu ti Yehova ni mutinu wa ntangu zazansoni, bwe kabêla mutinu mu ntangu yina?’ Yehova Mutinu kabâka bu kasarilaka lutumu lwandi peleko bu kazakasaka tima timumonekesaka mu ntangu zakaka. Mpila yo ya luyâlu lwa Yehova nkatika mfunu yena. Ntete lufwa lwa Davide, Yehova wamukanisina ti luyâlu lwandi mbo lwaketi zingila ntangu zazansoni: “Meno mbo nidukisa butu diaku ha manima maku, mwana’aku, mpe diangana, mbo nitomo zakasa timfumu tiandi.” (2 Sam. 7:12, 13) Buna, wamoneka ti, “butu” dio dia Davide diayizi moneka mvula 1 000 ha manima. Nani wabâ, mpe ntia ntangu kaketi bâ Mutinu?

FÉVRIER 20-26

BIMVWAMA BIA ZU DIA NZAMBI | 1 NTANGU 17-19

“Lunda nsayi’aku ntono maniongo”

w06-F 15/7 19 par. 1

Tûla mutima mu mbote ya Organizasio ya Yehova

Davide wumosi wena wa bantu ba nsangu ba bazonzelaka mu Matsonoko ma Hebre. Muvungi, titangi tia mikunga, mbikuri na mutinu, yandi watûla lukwikulu lwandi lwalwansoni mu Yehova, mpe wa nkatika wa kangama wabâ kwe Nzambi. Buna, yandi waziyi bâ na nsatu ya tunga nzo mu bungu dia Nzambi. Nzo yo, Tempelo, mbo yaketi bâ mbuka yiyôkele bunene ya nsambululu ya matieleka ku Israele. Davide wazaba ti misamu mi bakubika mu bungu dia Tempelo mbo miaketi nata nsayi na tusakumunu kwe kanda dia Nzambi. Ntiangu Davide katanga: “Nsayi kwe wô nge [Yehova] wu solele mpe wu neti, ngatu kabâ mu tupangu twaku. Diangana, mbo tuyangalala mu mbote ya nzo’aku, mbuka ya santu ya Tempelo’aku.”​—Mikunga 65:4.

w21.08 22-23 par. 11

Mona nsayi mu misamu mi lendi yirika mu bungu dia Yehova

¹¹ Mpila mosi mpe, tulendi kurisa nsayi’eto bu tusala ngolo mu tisalu ni tisalu ti batuhana mu organizasio ya Yehova. Bâ na “tisalu tiatingi” tia sala mu tisalu tia samuna na mu timvuka. (Bis. 18:5; Ebr. 10:24, 25) Tomo kubamaka mu bungu dia tukutakanu, ngatu wahana mvutu zitindisaka. Bongelaka devware zazansoni zi bakuhanaka na bunsungu bwabwansoni. Bamana ku lomba mu hana lubakusu mu timvuka, hana lo mu ntangu yifwanakane, mpe sa ti bakusikirila. Kubongelakandi madema ma bakuhanaka ntiana’eti ma fioti mena mu bungu dia nge. Sarila ngolo mu tomesa misamu mi we na mio lenda. (Bin. 22:29) Bu kwe sariri ngolo mu bisalu biaku bia timpeve na madema maku, mbo kulu kwizi sa nsobolo mpe nsayi’aku mbo yivutu kula. (Nga. 6:4) Mbo kwizi mona mpe ti, ka wena musamu wa mpasi ko mu yangalala na bampwana’aku tala ti babakiri madema ma dingaka mu lungisa.​—Rom. 12:15; Nga. 5:26.

Bimvwama bia timpeve

w20.02-F 12, kaku

Yehova Nzambi’eto Yandi tutomono zolo

Ngano Yehova me kamonaka?

Ngano weka tiyula: ‘Mu bantu babansoni babâka ha mutoto, mu bungu dia nti Yehova kakumwinaka, meno?’ Tala ti ni bo wena, ka wena nge kaka ko. Mutinu Davide watsoneka: “Ô Yehova, ngano muntu ni nani ngatu wamumona, mwana muntu ni nani ngatu wamusila mutima?” (Mik. 144:3) Davide lukwikulu lwa bâ nandi ti Yehova yandi katomo zaba. (1 Nta. 17:16-18) Mu nzila ya Zu diandi na ya Organizasio’andi, Yehova nge kabakisaka mu bakula ti luzolo lwaku mu Yandi lwa kamonaka. Tala ndongosolo za Bibila zilendi ku hana lukwikulu lo:

• Yehova nge kamona ntete wabutuka.​—Mik. 139:16.

• Yehova zebi misamu mi banzaka na mi monaka ku mutima.​—1 Nta. 28:9.

• Yehova Yandi beni muna tusambulu twaku kawâka.​—Mik. 65:2.

• Nsalulu zaku za mbote Yehova zitâka nsayi.​—Bin. 27:11.

• Yehova wakubenda Yandi beni.​—Za 6:44.

• Tala ti fwiri, Yehova nge katomono zaba mpe mbo kakuvumbula kwe ba fwa. Yandi mbo kavutu yirika nitu’aku, mpe mbo kahana yo nsimu na timuntu ti we na tio lumbu ti.​—Za 11:21-26, 39-44; Bis. 24:15.

27 FÉVRIER–5 MARS

BIMVWAMA BIA ZU DIA NZAMBI | 1 NTANGU 20-22

“Bakisa bantwenia mu lenda”

w17.01-F 29 par. 8

“Misamu mi, zonzela mio kwe babakala ba kwikama”

⁸ Tanga 1 Ntangu 22:5. Kampe Davide wamona ti Salomo kabâ wa fwana ko mu twarisa tisalu tio tia tinene. Diangana, Tempelo yafweti bâ “ya nkatika ya toma,” mpe Salomo, mu ntangu yina “ntwenia yabâ mpe kazaba misamu mamingi ko.” Kâ, Davide wazaba ti Yehova mbo kaketi hana lenda kwe Salomo mu bungu dia tisalu ti kamuhana. Buna yandi watûla mutima mu misamu mi kaketi bêla na lenda mu mu bakisa, mpe wakubika bisalulu bia nkatika biabingi.

w17.01-F 29 par. 7

“Misamu mi, zonzela mio kwe babakala ba kwikama”

⁷ Davide ka bika ko mu yika moko mu tisalu, ni bu sa ti ka yandi’â ko basola mu tunga Tempelo. Diangana nzo yo bayizi ya tâ Tempelo ya Salomo, ka ya Davide’â ko. Ni bu sa ti yandi watomo nionga bu kalembo lungisa musamu wu keri kekoloko, watomo hana lubakusu mu tisalu. Yandi wasarila ngolo mu kutakasa bikunku bia bisari, na bisengo, kwivre, arza, ore na miti mia sedre. Mpe yandi watindisa Salomo bu katâ: “Bwawu bu mwana’ani, bika Yehova kabâ naku; bika walenda mpe watunga nzo ya Yehova Nzambi’aku, ntiana bu katâ wo mu bungu dia nge.”​— 1Nta. 22:11, 14-16.

w18.03-F 11-12 par. 14-15

Bibuti, bakiseno mwana’eno mu kwenda tii ku bateme?

¹⁴ Bakuluntu balendi yika bibuti moko mu bakisa bala bawu mu kwenda tii ku bateme, bu bakwe zonzele makani ma timepeve na timina. Mpangi yimosi ya yikento yazonza na mpangi Charles T. Russell bu kabâ na mvula 6. Yandi watâ: “Minite 15 kabonga na meno mu zonzela makani mani ma timpeve.” Ngano ntia musamu wayizi moneka? Ha manima, mpangi yo yayizi bâ mupasuri-nzila yôka mvula 70. Diangana, nzololo yitindisaka yilendi nata nsobolo zizingilaka mu luzingu lwa muntu. (Bin. 25:11) Bakuluntu balendi lomba kwe bibuti na kwe bala bawu mu kwizi salaka bisalu ku Nzo ya Nsambululu; bawu balendi hana kwe bala bisalu bidelakane na mvula zawu, mboko na lenda diawu.

¹⁵ Mpangi za timvuka zilendi hana lubakusu bu songelaka ti bantwenia babelokelaka lwaka. Buna bawu bafweti tomo talaka bidimbu bisongelaka ti kula bata kula mu timpeve. Ngano devware kasire ku lukutakanu, peleko mvutu ya toma kaheni? Ngano timinu tiandi kayizi zonzela ku lukolo, peleko ntontolo katelamane? Bâ na manzangu mu mu sîka. Lendi mpe na kani​—ntete peleko ha manima ma lukutakanu—​dia zonza na ntwenia yimosi. Buna bawu mbo bamona ti mu kati dia “timvuka tia tinene.”​—Mik. 35:18.

Bimvwama bia timpeve

w05-F 1/10 11 par. 6

Misamu mia nguri mia mukanda wa 1 Ntangu

21:13-15. Yehova watuma mbazi mu manisa mpasi mu bungu ti mpasi za kanda diandi za kabakulaka. Diangana, “tiari tiandi tia nkatika tiatingi tiena.”