TIMOKO 58

Tatamana mu bâ wa kwikama kwe Yehova

Mukanda wa papier

Bakristo ba matieleka ka bazololo’â ko ti babika tima ni tima tiabayimina mu kunda Yehova. Kampe mabanza ni mo me naku. Kwikama kweto ntalu kwena kwe Yehova. (Tanga 1 Ntangu 28:9.) Nti bilendi kotesa kwikama kwaku mu ntontolo mpe bwe lendi wa telamana?

1. Bwe bantu balendi kotesa kwikama kweto kwe Yehova mu ntontolo?

Bantu bakaka mbo bayêlaka mu tu kabakasa mu sambila Yehova. Nani lendi sa bo? Bantu bakaka babika mu sarila Yehova bungungu batâka mu organizasio ya Nzambi ngatu babwisa timinu tieto. Baaposta babatâka. Mfumu za mabundu bungungu ziyangasaka mu beto ngatu batuma bantu balembolo na lukwikulu mu bika matieleka. Bubi bwena kwe beto mu zonza na baaposta, mu tanga mabuku mawu, mu kwenda mu site zawu na mu tala video zawu. Kwe bô bayêlaka mu tuma bantu mu lembo sarila Yehova, Yezu watâ: “Babikeno; ambe bimfwa-meso bita kwe nati bimfwa-meso, mu bungu ti timfwa-meso kamana nata timfwa-meso, ba bole mbo babwa mu bulu.”—Matie 15:14.

Mbo tala ti muntu wu tuzebi wusolele mu lembo vutu bâ Mbangi ya Yehova? Wulendi bâ musamu wa mpasi tala ti muntu wa kanda yisiri bo. Muntu wango wulendi tutuma mu sola ha kati dia yandi na Yehova. Mu miamiansoni, tufweti tatamana mu bâ ba kwikama kwe Nzambi. (Matie 10:37) Buna, ntumunu ya Yehova yalembo bâ tintwari na bantu bo tutumamanaka.—Tanga 1 Bisi-Korente 5:11.

2. Ntia nzengolo zisongela ti ba kwikama twena kwe Yehova?

Luzolo lweto mu Yehova mbo lututuma mu lembo bâ tintwari na dibundu dia bungungu. Tisalu tieto, organizasio yi twena peleko tima tiakaka, ka bifweti’â biabâ tintwari ko na dibundu dia bungungu. Yehova tu lwengese ti: “Dukeno mu [Babilone ya Yinene], kanda diani.”—Nzabukusu 18:2, 4.

YIKA NDILU

Longoka bwe lendi sa ngatu muntu ni muntu ka wubwisandi kwikama kwaku kwe Yehova. Longoka mpe bwe lendi songela kwikama kwaku bu duka mu Babilone ya Yinene.

3. Sa keba mu milongi mia bungungu

Ngano tufweti sa tima tala ti tuwiri misamu mia mbi mu organizasio ya Yehova? Tangeno Bingana 14:15, mpe zonzeleno tiyuvu eti:

Mu bungu dia nti tusaka keba mu lembo kwikila mio miamiansoni mi tuwâka?

Tangeno 2 Za 10, mpe zonzeleno biyuvu ebi:

Bwe tufweti bongela baaposta?
Ni bu sa ti ka tuzonzaka na baaposta ko, bwe tulendi wîla ndongosolo zawu?
Mu nge, bwe Yehova kamona tala ti tutekele kutu mu misamu mia mbi mi batâka mu Yandi na mu organizasio’andi?

4. Tatamana mu bâ wa kwikama kwe Yehova bu saka mpangi disumu

Tala ti wiri ti muntu mu timvuka wusiri disumu dia dinene, ngano ntia dema die naku? Tala mutieno we mu Musiku wa Nzambi ku Israele ya ntama. Tangeno Levitike 5:1.

Ntiana buta tâ verse yo, tala ti tuzebi ti muntu we kô wusiri disumu dia dinene, tufweti tâ kwe bakuluntu mio mi tuzebi. Ntete tasa bo, musamu wa mbote wubâ mu lomba kwe wo siri disumu mu kwe monekena bakuluntu mpe kafungula masumu mandi. Tala ti ka siri’â bo ko, kwikama kweto kwe Yehova kufweti tutuma mu tâ kwe bakuluntu mio mi tuzebi. Bwe mpila yo ya sila yi songela kwikama kweto kwe . . .

Yehova?
muntu wusiri disumu?
bantu bakaka mu timvuka?

Tifwani: Mpangi ya yibakala yita bakisa mpangi yakaka yi yirikiri musamu wa mbi. 1. Misamu mi mweni mpangi yo mu telefone mimususumuni. 2. Mpangi yo ya yibakala yisongele telefone’andi kwe mpangi yo yakaka, kâ mpangi yo yikariri mpila yo ya sila. 3. Mpangi yo ya yibakala yisongele telefone’andi kwe bakuluntu bole mpe ba têlele musamu wango. — Tala ti mpangi yiyirikiri musamu, mu bakisa!

5. Kubândi mu Babilone ya Yinene

Taleno VIDEO.

VIDEO: Dukeno mu Babilone ya Yinene! (5:06)

Tinsinsa tia video ‘Dukeno mu Babilone ya Yinene!’ Mulongoki wa Bibila wuta bika mupelo bu kameni bika tisalu tiandi mu dibundu.

Tangeno Like 4:8 na Nzabukusu 18:4, 5, mpe haneno mvutu mu biyuvu ebi:

Ngano nkumbu’ani mu liste ya bantu ba dibundu dia bungungu kwa yatiri?
Ngano mu organizasio ndiena ye tintwari na dibundu diakaka?
Ngano tisalu tiani dibundu dia bungungu tiyikaka moko mu mpila ni mpila?
Ngano misamu mie kô mia luzingu lwani mi mfweti hambana na dibundu dia bungungu?
Tala ti ntêle yee mu tiyuvu timosi, ngano ntia nsobolo mfweti sa?

Mu miamiansoni, bonga nzengolo yisa ti wabâ na ngindu ya verela mpe yisongela kwikama kwaku kwe Yehova.

Mpangi ya yikento yita duka mu magazin na mwana’andi. Bayôkele ha matu ma mukento wumosi wuta lomba makabu mu bungu dia dibundu. — Nti lendi sa tala ti bakulombele mu hana makabu kwe mabundu makaka?

TALA TI BAKUTÊLELE: “Nzololo na zaba misamu mi takâka baaposta mu Mbangi za Yehova ngatu nalenda mu nwanina matieleka.”

Ngano ndwenga zena? Mu bungu dia nti?

MU BUKUFI

Mu tatamana mu bâ ba kwikama kwe Yehova, ka tufweti’â tabâ tintwari ko na bô balembolo ba kwikama kwe Yehova. Tufweti duka mpe mu mabundu ma bungungu mu miamiansoni.

Biyuvu bia mbambukulu

Mu bungu dia nti tufweti lembo tala, tanga peleko wâ mabanza ma baaposta?
Bwe tufweti bongela bô bata lembo vutu zolo mu bâ Mbangi za Yehova?
Bwe tulendi tumamana mu ndwengosolo ya dioka Babilone ya Yinene?

Timoko tiwiri mu tilumbu tia:

Kani

Tala ti tintwari tie naku na dibundu dia bungungu mu mpila ni mpila, dinga mu hambana na dio.

Kani diakaka:

Your other goal

ZABA BIAKAKA

Longoka bwe sa tala ti bantu bakaka batêle bungungu mu Mbangi za Yehova.

“Ngano misamu miamiansoni mia zebi?” (Nzo ya Zangama ya Munkengi, août 2018)

Bwe lendi zabila organizasio peleko bisalu biyikaka moko ku Babilone ya Yinene?

“Bâ na tisalu tiatingi mu ntangu ya mansukina ya ‘bilumbu bia mansukina” (Nzo ya Zangama ya Munkengi, octobre 2019, paragrafe 16-18)

Ngano bantu batutelamanaka nti bayêla mu sa mu bwisa timinu tieto?

Seno keba mu bungungu (9:32)

Mu tinsamu tia “Nzambi ndieri dingaka tûka buleke bwani,” tanga tinsamu tia mupelo wumosi wa shintoïste wazenga tindiku tiandi na dibundu dia bungungu.

“Bibila luzingu disobesaka” (Nzo ya Zangama ya Munkengi, 1^er juillet 2011)