TIMOKO 28
Tondaka mu mio mia yirika Yehova na Yezu mu bungu dia nge
Ngano nti wukusaka ku mutima mu ntangu ndiku’aku yikuhanaka kabu? Kampe nkatika nsayi wukutâka, mpe zololo wasongela kwe ndiku’aku ti tonda tondaka mu bungu dia kabu dio. Yehova na Yezu batuhana kabu diyôkele bunene di tweka lembo baka. Ngano kabu diango ni die, mpe bwe tulendi tonda mu bungu dia kabu diango?
1. Ngano mpila yimosi ya tondaka Yehova na Yezu mu mio mi bayirika mu bungu dia beto ni ye?
Bibila dikanisini ti “bô babansoni basarilaka timinu mu [Yezu]” balendi zinga mankululu. (Za 3:16, NWT) Ngano sarila timinu bwe wuta zolo tâ? Tufweti sa tima tiyôkele kwikila mu Yezu. Tufweti songela mpe timinu tieto mu nsololo zi tusaka na mu misamu mi tuyirikaka. (Zaki 2:17) Bu tusongelaka timinu tieto mu mio mi tusaka na mu mio mi tutâka, tindiku tieto na Yezu, na Tata’andi Yehova, tuyikaka ngolo.—Tanga Za 14:21.
2. Ngano ntia mukembo wa nzitukulu wutubakisaka mu tonda mu mio mia yirika Yehova na Yezu?
Nkokela ntete kafwa, Yezu watâ kwe milongoki miandi mpila yakaka ya tondaka mu bungu dia mukayulu’andi. Yezu wabatêla bakutakanaka mu bungu dia mukembo wa nzitukulu wubatâka mu Bibila “Ndia ya Mfumu,” wu bazabiri mpe mu nkumbu ya Mbambukulu ya lufwa lwa Kristo. (1 Bisi-Korente 11:20) Yezu wazolo ti ntumwa zandi na Bakristo babansoni ba matieleka ha manima, babambukaka ti luzingu lwandi kahana mu bungu dia beto. Mu bungu dia mukembo wo, Yezu watuma ti: “Mbo lwese bô, mu kumbambukilaka moyo.” (Like 22:19, NWT) Bu kwenda ku lukutakanu lwa Mbambukulu ya lufwa lwa Yezu, mbo songela ti tonda tondaka mu bungu dia luzolo lwa Yehova na lwa Yezu mu bungu dia beto.
YIKA NDILU
Taluzula mpila zakaka za tondaka mu bungu dia luzolo lwa songela Yehova na Yezu. Dinga mu zaba mu bungu dia nti Mbambukulu ya lufwa lwa Kristo ye mfunu.
3. Nti tulendi sa mu vutulaka matondo
Banza’eti muntu wakuvukisa bu wa yambuka mu mamba. Ngano mbo kulu zimbakana mio mia yirika muntu wo mu bungu dia nge? Peleko, ngano mbo dinga mpila ya mu songela ti tonda tondaka?
Yehova tu hanaka luzingu. Tangeno 1 Za 4:8-10, mpe zonzeleno biyuvu ebi:
Mu bungu dia nti mukayulu wa Yezu die kabu dia nzitukulu?
Bwe monaka ku mutima mu mio mia yirika Yehova na Yezu mu bungu dia nge?
Bwe tulendi tonda mu mio mia yirika Yehova na Yezu mu bungu dia beto? Tangeno 2 Bisi-Korente 5:15 na 1 Za 4:11; 5:3. Ha manima ma ntangulu ya verse, zonzeleno tiyuvu eti:
Mu nzila ya verse zi, nti tulendi sa mu songela ti tonda tutondaka?
4. Landa tifwani tia Yezu
Mpila yakaka yi tulendi songela ti tonda tutondaka, ni mu landa tifwani tia Yezu. Tangeno 1 Piere 2:21, mpe zonzeleno tiyuvu eti:
Bwe lendi tomo landila ntambi za Yezu?
Yezu wazolo Zu dia Nzambi, wasamuna nsangu za mbote, mpe wabakisa bantu
5. Yendaka ku Mbambukulu ya lufwa lwa Kristo
Mu zaba nti biayôka ku Ndia ya Mfumu ya ntete, tangeno Like 22:14, 19, 20. Ha manima zonzeleno biyuvu ebi:
Nti biayôka ku Ndia ya Mfumu?
Ngano dimpa na vinu, bidimbu bia nti biena?—Tala verse 19 na 20.
Yezu wazolo ti milongoki miandi miakembelaka Mbambukulu mbala yimosi mu muvu mu tilumbu ti kafwa. Ntiangu, Mbangi za Yehova zikutakanaka mivu miamiansoni mu bambukilaka lufwa lwa Kristo mu mpila yi katumina wo. Mu zaba misamu mitariri lukutakanu lo lwa mfunu, taleno VIDEO. Ha manima zonzeleno tiyuvu tita landa.
Nti biyôkaka ku Mbambukulu?
Dimpa na vinu bidimbu biena. Dimpa nitu ya lunga ya Yezu dimonekesaka, yi kahana mu mukayulu mu bungu dia beto. Vinu mbo yimonekesaka menga mandi
TALA TI BAKUTÊLELE: “Tima ti sa mu vuka, ni mu kwikila mu Yezu.”
Bwe lendi sarila Za 3:16 na Zaki 2:17 mu songela ti tufweti sa tima tiakaka?
MU BUKUFI
Tonda tutondaka mu mio mia yirika Yezu mu bungu dia beto bu tusarilaka timinu mu yandi na mu kwendaka ku Mbambukulu ya lufwa lwa Yezu.
Biyuvu bia mbambukulu
Ngano sarila timinu mu Yezu bwe wuta zolo tâ?
Bwe zololo wasongela ti tonda tondaka mu mio mia yirika Yehova na Yezu mu bungu dia nge?
Mu bungu dia nti we nkatika mfunu mu kwendaka ku Mbambukulu ya lufwa lwa Kristo?
ZABA BIAKAKA
Ngano lufwa lwa Kristo nti lututumaka mu sa?
Tomo zaba misamu mitariri timinu, mpe bwe lendi tia sarila.
“Sarila timinu mu makani ma Yehova” (Nzo ya Zangama ya Munkengi, octobre 2016)
Tala bwe luzingu lwa mukento wumosi lwayizi tomena bu kayizi bakula nsasa ya lufwa lwa Kristo.
“Bibila luzingu disobesaka” (Nzo ya Zangama ya Munkengi, 1er août 2011)
Zaba mu bungu dia nti ndambu bantu kwa badiaka dimpa mpe banwaka vinu ku Mbambukulu.