TIMOKO 05
Bibila—Nsangu za Nzambi kwe beto
Yehova watuhana Bibila. Kabu diena dia toma die na mikanda 66 mu buku dimosi. Kâ lendi tiyula: ‘Ngano Bibila kwe diatûka? Ngano nani vwiri dio?’ Mu baka mvutu, tatala bwe nsangu za Nzambi ze mu Bibila zatûrila kwe beto.
1. Tala ti bantu batsoneka Bibila, bwe Nzambi kavwiriri dio?
Bantu kampe 40 ba swaswana batsoneka mikanda mia mu Bibila. Mukanda wa ntete tûka mvula kampe 3 500 batsoneka wo, mpe mukanda wa mansukina tûka mvula kampe 1 900 batsoneka wo. Ni bu sa ti bitsoniki bia Bibila bia nkatika bia swaswana bieri, misamu mi batsoneka ka miena mia swaswana ko. Bwe wulendi bêla? Mu bungu ti Bibila Nzambi vwiri dio. (Tanga 1 Bisi-Tesalonike 2:13.) Bitsoniki ka biatsoneka mabanza ma bawu beni ko. Kâ, ‘mu ndwengosolo ya mpeve santu bantu babikuriri mu nkumbu ya Nzambi.’a (2 Piere 1:21) Nzambi wasarila mpeve santu’andi mu tuma bantu batsoneka mabanza mandi.—2 Timote 3:16.
2. Ngano nani lendi baka ndandu mu Bibila?
Nzambi watâ ti “mawa mamansoni, [. . .] mazu mamansoni, na [. . .] makanda mamansoni” mbo mabaka ndandu mu Bibila. (Tanga Nzabukusu 14:6, NWT.) Bwawu bu, Bibila mu mazu mamingi diena yôka mabuku makaka. Kampe, bantu babansoni balendi baka Bibila. Mbuka ni mbuka yi bêlaka bantu, peleko zu ni zu di bazonzaka, musamu wo wa matieleka wena.
3. Bwe Yehova kakengerela Bibila?
Mu bisalulu bilembolo ngolo, ntiana papyrus, batsonekena Bibila. Kâ bantu beri zoloko Bibila, bakopa dio mbala zazingi na bunkete bwabwansoni mu moko. Ntwarisi zakaka na mfumu za mabundu zadinga mu zimbakasa Bibila, kâ bantu bakaka batambula mu mona mpasi ngatu bakengerela dio. Yehova ka bika na kani muntu ko peleko na kani tima tiamukabakasa mu zonza na beto. Bibila ditêle ti: “Zu dia Nzambi’eto mbo dizingila ntangu zazansoni.”—Izaya 40:8.
YIKA NDILU
Longoka bwe Nzambi katumina bantu mu tsoneka Bibila, bwe kakengerela dio, mpe bwe kasa ngatu bantu babansoni babaka dio.
4. Bibila songela disongelaka nani vwiri dio
Taleno VIDEO. Ha manima, tangeno 2 Timote 3:16, mpe zonzeleno biyuvu bita landa.
Tala ti bantu batsoneka Bibila, mu bungu dia nti batâka dio Zu dia Nzambi?
Bwe ta banza, ngano wadelakana ti Nzambi katuma bantu batsoneka mabanza mandi?
Muntu wulendi lomba kwe muntu wakaka wamutsonekena mukanda. Bantu mpe bayizi tsoneka Bibila, kâ nsangu kwe Nzambi zatûka
5. Bibila dianunga mvita
Tala ti Bibila kwe Nzambi diatûka, Yandi fweti dia kengerela mpe. Mu ntangu ya ntama, ntwarisi zayizi yêla mu zimbakasa Bibila. Mfumu za mabundu zayizi yêla mu sweka dio. Kâ ntono nkwamusu na ntontolo za lufwa, bantu babingi bayizi mona mpasi mu kengerela Bibila. Mu zaba misamu mitariri muntu wumosi mu bawu, taleno VIDEO, mpe zonzeleno biyuvu bita landa.
Bu wizi zaba misamu mi bayirika mu kengerela Bibila, ngano mikuheni nsatu ya tanga dio? Mu bungu dia nti?
Tangeno Mikunga 119:97, mpe zonzeleno tiyuvu tita landa:
Nti biayizi tuma bantu babingi mu mona mpasi mu bangula Bibila na mu kaba dio?
6. Buku dia bantu babansoni
Bibila ni buku diyôkele di batomo bangula na di batomo kaba dia ntangu zazansoni. Tangeno Bisalu 10:34, 35, mpe zonzeleno biyuvu bita landa:
Mu bungu dia nti Nzambi kazololo ti Zu diandi babangula dio mpe bayangasa dio?
Ngano nti zoloko bitariri Bibila?
Kampe
bantu babansoni
mu nza
Bibila die nawu mu Zu di bazonzaka
Mu mazu yôka
3 000
diena
dia mukaka peleko dia ndambu
5 000 000 000
Lutangu lwa Mabibila ma beka dukisa kampe,
yôka mabuku makaka
TALA TI BAKUTÊLELE: “Bibila buku dia ntama kwa diena dia tsoneka bantu.”
Bwe ta banza?
Ntia misamu misongelaka ti Bibila Zu dia Nzambi diena?
MU BUKUFI
Bibila Zu dia Nzambi diena, mpe Yandi wasa ti bantu babansoni babâ na lenda dia baka Bibila.
Biyuvu bia mbambukulu
Ngano bwe wuzolo tâka, bu tutâka ti Nzambi watuma bantu ngatu batsoneka Bibila?
Ngano nti bita ku susumuna mu mpila yi bakengerela Bibila, yi babangurila dio na yi bayangasala dio?
Bwe monaka ku mutima bu monaka ti Nzambi wasarila ngolo mu zonzaka na nge?
ZABA BIAKAKA
Tanga misamu miayôka mitariri Bibila—Tûka maniskri za ntete tii ku mbangululu za môna.
“Mpila yi bakengerela Bibila tii bwawu bu” (Réveillez-vous!, novembre 2007)
Longoka bwe Bibila diayizi nungina misamu mitatu mia nguri miaketi sa ti diazimbakana.
“Bibila—Bwe bakengerela dio” (Nzo ya Zangama ya Munkengi No. 4 2016)
Tala bwe bantu bakaka bamwinaka mpasi mu bangula Bibila.
Bibila mbala zazingi batsoneka dio mpe babangula dio. Bwe lendi bêla na lukwikulu ti nsangu za Nzambi ka bayizi’â za soba ko?
“Ngano Bibila sobesa basobesa dio peleko bebesa babebesa dio?” (Mutu-diambu wa mu Internet)