Ngano wa wazaba?

Mu bungu dia nti weri musamu wa mbote ti Yehova katambula mukayulu wa tidukia peleko wa bembe?

MU MUSIKU wa Mose, Yehova mbo keri tambulaka bidukia na mabembe mu mukayulu. Ntangu zazansoni mbo bazonzelaka nuni zo tintwari mu misiku mitarilaka mikayulu, mpe bantu nswa weri nawu wahana tidukia peleko bembe. (Lev. 1:14; 12:8; 14:30) Mu bungu dia nti weri musamu wa mbote? Musamu wumosi ni mu bungu ti bidukia ka bieri’â bâka ku Israele ko ntangu zazansoni. Mu bungu dia nti?

Bidukia nuni zena zikwe se nzietolo mpe zibâka ku nsi yayansoni ya Israele mu ntangu yi kubâka yaninga diadingi. Mivu miamiansoni mu octobre, mbo bikwendaka ku nsi za ku side zibâka na yaninga diadingi, mpe mbo zikâlaka ku Israele mu printemps. (Muk. 2:11, 12; Yer. 8:7) Mbo wuta zolo tâ ti musamu wa mpasi weri kwe bala ba Israele mu hana mikayulu mia bidukia mu hiver.

Kâ, vula-vula mabembe ka masaka nzietolo ko, wuzololo tâ ti muvu wa mukaka mbo meri bâka kwa ku Israele. Musamu wakaka, mbo beri twilaka mabembe. (Fwanakasa na Za 2:14, 16.) Buku dia Bible Plants and Animals (Miti na bibulu bia mu Bibila) mbo ditâka ti: “Bantu babansoni ba ku mahata na mimvuka mia ku Palestine mbo beri twilaka mabembe. Mfumu nzo zazansoni, nzo ya mabembe yeri nawu peleko wundu mu tibaka, mweri bêlaka nuni.”​—Fwanakasa na Izaya 60:8.

Mu mpila yo, Yehova wasongela ti luzolo lwe nandi, mpe mabanza ma delakana me nandi bu keri tambulaka mikayulu mia bala ba Israele mia nuni zeri lembo mpasi mu baka mu muvu.