KYENDE 9

Nkungu nki ikaba kisi Paladiso?

Tubebe tuli ga kisi ono lelo twatitibukizya buno Bukota bwa Kalaga buli bwigi. Luka 21:10, 11; 2 Timoteo 3:1-5

Mankunku metela ma bindi bizinda: meija ma bwibi bwa mosanga, bita, nsambo, nzala, kutanza babuti nu butombo bwa mubikanga

Bibilia byasolile wakalazi bitondo byingi bi tukumona kubyo ono lelo. Byatendile buno bantu bekaba bezye musanga, betekungwa babuti babo, bakali, nu bezye kyelele bukali.

Byasolile tondo buno kukaba tuningini tunene, bita, mwido wa malia, nu nsambo za nzikyo nunse. U nu bi tukumona kubyo mu bino bindi (nkungu) byetu.

Mulongeki wa Yehowa ekusambalila wamulume umozi musagu musoga wa Bukota

Yesu atendile tondo buno musagu musoga wa Bukota ukasambalwa mu kisi kinse.—Matayo 24:14.

Bukota bwa Kalaga bukuzindya bubi bunse. 2 Petro 3:13

Bantu babi bazikibwa ku Harmagedoni, kuzinda Satana nu basumbu bage basungibwa

Kalaga Yehowa ese bwigi na kuzikya bantu babi banse.

Satana nu banzelo bage bekababazibwa na kalaga kunibi zabo zinse.

Yesu mu kisumbi kyage kya Bukota kya mwigulu nu bantu banse beli mu mbogimbogi

Babo bekuungwilila Kalaga be kalama mu kisi kite kaba na nsungyo nu boba lingo; bantu banse bekalemanilana nu kutundana.