Buni bukutunda kalaga?

Kalaga ekutunda tulame milyalya, tube na mbogimbogi nu bulonge-bukata mu kisi kikaba paladizo!

Un’ibuzia nu kutenda bunoe ‘Tabwatunganana.’ Tondo Bibilia byatenda buno bunatunganana, nu Kalaga ekutunda bantu bansania ga kisi bemenye meingi kubwelamo bwa bukota nu ku mutali weitu.​—Nimbo 37:11, 29; Isaya 9:7.

Kalaga ekutunda tube na mutali.

Anga tata musoga ukutunda bana bage bebe busoga, unu bukutunda tat’iswe wa kwigulu tulame milyalya nu tube na mbogimbogi. (Isaya 48:17, 18) Kalaga alaga buno: “Wozo ukukita lutundo lwa Kalaga ekalama ku nkiko na nkiko zite na kuzinda.”​—1 Yoana 2:17.

Kalaga atunda tutabange mu nzila zage.

Bibilia byatenda bunee: Mubumbi weitu atunda kutwigisya nzila zage “ku buno tutabange muzo.” (Isaya 2:2, 3) Akitile: Kusombola bantu munkatini mwa kisi ku izina lyage; bekite bwekutunda mu kisi kinsania.​—Misako 15:14.

Kalaga atunda tumukumbamile kuteli mibalangano.

Mukumbamino wa lebelebe taukubalanganyaga bantu; ukukundamaniaga bantu ku lutundo lwabo lwa lebelebe. (Yoana 13:35) Ono lelo, banazi bekwigisya balume nu bakikulu kukambila Kalaga gamozi? Lola bwaakula zeno broshire ku zino mbuzya.