Kilemanizio kiki kili ku bakuzi?

1. Musago muki uli ku kabamba ka bakuzi?

Gabezaga Yesu mu kisi, abezaga na kilemba, Lazaro wabezaga na numba ku Betania bwigi na Yerusalemu. Busi bumozi gozo kilemba (Lazaro) akule, Yesu abasile kumbusa kwa bindi binazi. Endile ku bunzali na Malata nu Maria, babitu ba mukuzi. Mu kaluma kakeke, kyonso kya bantu kyanubasanga. Kengela mbogimbogi zabezaga na Malata nu Maria gabamonile Yesu iyukya Lazaro kutuka mu nsinda za bakuzi.​—Soma Yoana 11:21-24, 38-44.

Malata abezaga esamenya musago musoga walolela bakuzi. Nu tondo abezaga esamenya buno Yehowa ekayukya bakuzi nu balame lingo mu kisi.​—Soma Yobu 14:14, 15.

2. Buni buli bakuzi?

Muntu abumbilwe na mukungu wa kisi. (Kulinga 2:7; 3:19) Tuli bibumbwa bikumoneka na miso, ku buno ndi twakua tatu na kingo kya kutuli kikulamaga. Ndi twakua, buntonto bwitu nubo nti bwakua, nu makengelo nu lutundo lweitu nti lwasila. Ku buno bakuzi tabizi kena, Lazaro nte na bwatendile bwa bakuzi mu kujuka kwage mu nsinda.​—Soma Nimbo 146:4; Musambazi 9:5, 6, 10.

Ndi Kalaga ekugisyaga bantu ku keija ndi bakua? Anga bubo bwalosya Bibilia, bakuzi tabizi kena, meigisya ma kugisya bantu na keija meli lebelele meigisya ma buza mekukandika Kalaga. Kalaga ntakakizya mano makengelo makugisya bantu ku keija, mekumubabazya ku mutima wage.​—Soma Yeremia 7:31.

Lola video Buni bukubezaga bakuzi?

3. Ndi bakuzi benaema kututendya?

Bakuzi tabenaema kutenda nu kungwa. (Nimbo 115:17) Tondo, kuli baanzelo babi, bekutendaga mambizi mamozi anga bakuzi. (2 Petro 2:4) Yehowa anana kubuzya bakuzi.​—Soma Kukokomezya Mulembe 18:10, 11.

4. Unazi ukajukibwa kutuka ku bakuzi?

Tununu nu tununu twa bantu bakule bekalama lingo mu kisi. Anga bamozi betamenyile Kalaga nu bakitile bitondo bitatunganana bekayukibwa.​—Soma Luka 23:43; Misako 24:15.

Bayukibwa bekaba na nkungu za kwigisibwa bulili bwa Kalaga, nu kulosya bukatizio bwabo ku Yesu nu kwibobelezya. (Kulolesibwa 20:11-13) Babo bakitile busoga bekaba na iyukilo lya kalamo ka milyalya mu kisi.​—Soma Yoana 5:28, 29.

5. lyukilo lya bakuzi lyatwigisya kikizi ku kabamba ka kalaga?

Kalaga akasile kilemanizio kya kujukya bakuzi gasingile mwana wage kuvwa kutukwila. Iyukilo lyatwigisya mengi ku lutundo lwa Yehowa nu mponga zage. Nazi uunatundile kwimonela gwinene ijukilo lya bantu?​—Soma Yoana 3:16; Baroma 6:23.