KYENDE 3

Buni bwabezaga kalamo mu Paladiso?

Yehowa akasile ba Adamu nu Eva bintu byingi bisoga. Kulinga 1:28

Kusila kubumba Eva Yehowa amusongizye ku Adamu

Mukikulu mutangi wabumbilwe na Yehowa, amanilwe Eva. Anga Kalaga amukasa Adamu buno ebe mukazi wage.—Kulinga 2:21, 22.

Yehowa ababumbile biisanana, makengelo mabo tamabezaga na ntubia nu mibili tazabezaga na bwoto bwampa.

Adamu nu Eva bekubogela-bogela kumona paradizo zibekulama muzo

Babezaga m’uiswa lya Edeni, mwino wakulumizibwe busoga nunse. Mwabezaga nuuzi, nyama nu tuti twabezaga na biguma bili nse.

Yehowa atendaga nabo; abasungulaga. Songo bamuungwilile, songo banalamile milyalya mu kisi kya Paladiso.

Kalaga ananizye Adamu nu Eva kulia biguma bya kati kamozi kabezaga m’uiswa. Kulinga 2:16, 17

Muti w’isoa wazugidwe ku Adamu nu Eva na Yehowa kulya biguma byago

Mwanzelo umozi ageletwinde Kalaga. Uzo mwanzelo mubi u Satana Diabolo.

Satana Diabolo, mwanzelo mobé, akambya nzoka kwa kutenda na Eva

Mu iswa lya Edeni Yehowa alosizye Adamu nu Eva kati kamozi kabezaga na biguma nu ababwinde buno ndi balya biguma byakako kati nti bakwa.

Satana ntatundile Adamu nu Eva beanze Yehowa. U kyansa atendizye nzoka kusolela Eva buno ndi balya ibio buguma tabeneema kukwa, tondo benagelama na Kalaga. Bubo bwabezaga buza nunse.—Kulinga 3:1-5.