KESYAZI!
Biblia Byatenda Kikizi ku Kabamba ka Kukumbamina Nkisi?
Bulingilingi N’iketelo lya Misagu Ly’idini lya Katolika (Catholic News Service), mu nkungu za kisagulo kyakitilwe ku kindi kya 25/3/2022 mu kanisa baselique Saint-Pierre, Pape François emene kima lwabusio lwa kikeko kya Maria “akandile meiso nu kukumba nkoto, nu kusega mu kawewe.” “Asegeli Maria” buno alisye bubobelelo. Gazeti lya Vatican News lyatalika buno “Pape abikile bantu bansania mu maboko ma Maria kutingila mutima wage wenga, nunse babo bekulama ku Russie nu ku Ukraine.”
Buni buli makengelo mobe? Ndi buli busoga kusega lwabusio lwa bikeko aba kubikambya mu ikumbamino? Lola mano masanzo ma Biblia malemba:
“Tamwikitile nkisi za kisusania kinsania kili mwigulu aba kili mu kisi aba kili mu mazi mu kisi. Tamukumbame lwabusio lwazo, aba kuzikitila, kubuno nne Yehowa, Kalaga weinyu, nili Kalaga wa lugi.”—Kutuka 20:4, 5.a
“Nkisi zabo zili feza nu olo, mulimo wa maboko ma muntu. Zili na tunua, tondo tazikutenda; zili na meiso, tondo tazikumona; zili na matuzi, tondo tazikungwa; zili na mwembe, tondo tazikungwa ku iyugo; zili na maboko, tondo tazikukata; zili na magulu, tondo tazikwenda namo; aba tazikubasia iyuki ga mwego wazo. Babo bakuzikita balingamanibwe nazo, u wozo muntu ukuzilemanina.”—Nimbo 115:4-8.
“Nne nili Yehowa; u izina lyane, nu lutanuno lwane nsyalukase ungo, aba luganuno lwane ku nkisi zabazwa.”—Isaya 42:8.
“Tinazi kukumbamina nkisi.”—1 Bakorinto 10:14.
“Idangazi na nkisi.”—1 Yoana 5:21.
Kwakumenya byingi ku bibyo byatenda Biblia ku kabamba ka kukumbamina nkisi, soma musagu “Mawazo ya Biblia—Sanamu”, aba lola video Ndi Kalaga Ekutunda Tumukumbamine kwa Kukambya Nkisi?
Unatananizibwa tondi na bubo bwatenda Biblia ku kabamba ka zeno misagu:
“Biblia Byatenda Kikizi ku Kabamba ka Maria—Kikumi Kitamenya Wamulume?”
“Ndi Watunganana Kusega ku Maria—Kikumi Kitamenya Wamulume?”
Kwatukile bilimelime: Vincenzo Pinto/AFP via Getty Images
a Yehowa u izina lya bwelebwele lya Kalga. (Nimbo 83:18) Lola musagu “Yehowa Eli Nazi?”