Bantu Milioni 6 Bese Bakua na CORONA—Biblia Byatenda Kikizi?

Kulembana na Iketelo lya Kisi ku Lukita lwa Mubili (OMS), kubasila ku kindi kya 23/5/2022, bantu 6.270.000 u bese bakua na CORONAVIRUS. Tondo, misagu nzinda za OMS za kindi 5/5/2022, zalosizye buno bantu benatinga kiganzelo kikyo u bese bakua. Zalosizye lingo buno kutukila mwaka wa 2020 nu kwika ku mwaka wa 2021, “bantu 14.900.000 u bese bakua, kubo kuli babo basambaga na CORONA nu kuli tondi babo bamonekile buno mango bakatilwe nubo nazo.” Ndi Biblia byatenda bukishembe ku kabamba ka kibuka kikino?

Biblia byalenganizizye ku kabamba ka nsambo nnene zikuzikya bantu

• Yesu alenganizizye buno kukabasila kibuka aba “nsambo nnene,” mu “bindi bizinda.”​—Luka 21:11; 2 Timoteo 3:1, NTKI57.

Bulengania bwa Yesu bukuzindilila ono lelo. Kwa kumenya byingi, soma musagu “Tuni U Tulolesyo twa “Nkungu Nzinda” aba “Bindi Bizinda”?

Biblia bili na makengelo mekubobelezya

• “Kalaga wa kubobelezia kunsania . . . ukutubobelezagia mu mbabazio zeitu insania.”​—2 Bakorinto 1:3, 4.

Bantu bingi bazimizizye batundwa babo bekubobelezibwa na musagu wa Biblia. Kwa kumenya byingi soma musagu “Namna ya Kupambana na Huzuni—Mambo Yenye Unaweza Kufanya Leo” nu “Musaada wa Muzuri Zaidi kwa Wale Wenye Wamefiwa.”

Biblia byalosya buni bukasila nsambo insania

• “Bukota bwobe buvwe, kusombola kwobe kukitwe ku kisi anga bukukukitwa mwigulu.”​—Matayo 6:10.

Bwigi gano “Bukota bwa Kalaga” bwasile nsambo insania nu “takuli mwiya mwino ukatenda bunee: “Nkusamba.”” (Marko 1:14, 15; Isaya 33:24) Kwa kumenya byingi ku kabamba ka buno Bukota bwa mwigulu nu bibyo bikakita Bukota bwongo, lola video Bukota bwa Kalaga U Kikizi?

Buno mumone mutali wa nsungu zizile menge nu malagi masoga makasana Biblia, twakusega gamozi na kikanga kyobe mwijigisye bibyo byatenda Biblia.