Biblia Binakukasya ndi Uli na Lusambo lwa Bindi Binsania?

Ijakulo lya Biblia

Lebelebe. Kalaga ekwangaga bakambi bage beli basambi. Biblia byatenda buno ku kabamba ka mukambi wage mulandania ukusamba: “Yehowa amulange ga mugu mu nkungu za lusambo.” (Nimbo 41:3) Ndi uli na lusambo lwa bindi binsania zeno nsungu isatu zalemba zinakukasya kulwania lukita lulo:

1. Buno ube na nkiki sega Kalaga akukase magala. Unamona “bubobelelo bwa Kalaga bubo bwatinga menge mansania” bunakukasa magala nu kukukita ntuzangezange nunse.​—Bafilipi 4:6, 7.

2. Ube na makengelo masoga. Biblia byatenda bunee: “Mutima ukubogaboga guli muti musoga, tondo mutima watamba ukomia makwa.” (Misumo 17:22) Ube muntu ukusekya bango, kukita bubo kwakubobelezye nu kuli kwa mutali ku mubili wobe.

3. Ube na kilemanizio ku malagi ma Kalaga ma nkungu zikuvwa. Kilemanizio kyagugumana kinakukasya kuba na mbogimbogi ibe buno ukusamba lusambo lwa bindi binsania. (Baroma 12:12) Biblia byalenganizizye buno kukaba nkungu zikalama bantu nu “takuli mwiya mwino ukatenda bunee: “Nkusamba.”” (Isaya 33:24) Mu nkungu zezo Kalaga ek’onia nsambo za bindi binsania zitek’onia ba minganga bekwijigisya byeingi ku kabamba ka mubili ono lelo. Anga, Biblia byatenda buno ku kabamba ka wozo use mukungu: “Alunde.  .  [aba abe lingo na mubili] anga mwana muto, nu magala mage masubye anga bwabezaga mutoka.”​—Yobu 33:25.

Menya bunee: Kinga bekumenyaga buno Kalaga abakasye, Balongeki ba Yehowa bekulondaga busaki bwa nsambo za bindi binsania. (Marko 2:17) Aba bubo tabekusindikaga muntu ku busaki kishembe; bizi buno muntu winyene uwatunganana kusombola buni bwasakilwe.