Ndi Bukota bwa Kalaga Buli mu Mutima Wobe?
Ijakulo lya Biblia
Kilo. Bukota bwa Kalaga ta lukita lwa mu mutima luli na Bakristo.a Biblia byalosya kuni kuli Bukota bwongo kwa kubumana: “Bukota bwa meigulu.” (Matayo 4:17.) Lola butitikizio bwa Biblia bwalosya buno Bukota bwongo buli guvernema za bulili zikwangata kutukila mwigulu.
Bukota bwa Kalaga buli na bangati, milembe, bwabe na bantu balame kunsi kwa bukota bwongo nu bwakasilwe mulimo wa kuzindilizya ntundo za Kalaga mwigulu nu ga kisi.—Matayo 6:10; Kulolesibwa 5:10.
Guvernema za Kalaga, aba Bukota bwage, bukangata “bantu bansania, bilongo binsania, nu bantu . . . ba mitendezi insania” za kisi. (Danieli 7:13, 14) Magala ma bubo Bukota tamatukila ku bantu bekulama kunsi kwa Bukota bwongo, tondo matukila ku Kalaga winyene.—Nimbo 2:4-6; Isaya 9:7.
Yesu abwinde basingwa bage bakatizia buno bek’angata gamozi nage mu Bukota bwa mwigulu nu ‘kwikala ga bisumbi bya Bukota.’—Luka 22:28, 30.
Bukota bwongo buli na basombi, nu bukabazikya.—Nimbo 2:1, 2, 8, 9; 110:1, 2; 1 Bakorinto 15:25, 26.
Biblia tabigisya buno Bukota bwa mwigulu buli mu mutima wobe anga buno bukwangata kutingila mutima wa muntu. Tondo, Biblia byalosya buno ‘idagi lya Bukota, NTKI57.’ aba “musagu musoga wa Bukota” unavwama nu watunganana kugalukya mitima zeitu.—Matayo 13:19; 24:14.
Kitondo “bukota bwa Kalaga buli munda mwinyu” kili na bwisulilwa bukizi?
Bantu bamozi tabekumenyaga kuni kuli Bukota bwongo kulembana na bubo bukutendaga bwisuzi kishembe bwa Biblia ku Luka 17:21. Anga, bwisuzi bwa Union Version bwatenda buno “bukota bwa Kalaga buli munda mwinyu.” Kwa kumenya busoga bwisulilwa bwa mulindi wongo, twatunganana kumenyaga musagu unsania watendelagwa.
Bukota bwa Kalaga tabwabezaga mu mitima za bantu babi, bagunine Yesu nu kulonda kumwita
Yesu abezaga ekutenda na Bafarisayo, kibombo kya bakulu b’idini bamugunaga nu babezaga gesamba bantu bakalile lwango lwa kumwita. (Matayo 12:14; Luka 17:20) Kulembana na bubo, ndi bunakulungana kukengela buno Bukota bwabezaga lukita lwa mu mitima zabo mbibu? Yesu ababwinde bunee: “Munda mweinyu mwiyala na bwengelezi, nu mibi.”—Matayo 23:27, 28.
Bungo bwisuzi bwa Biblia bukukambyaga busoga bitondo byatendile Yesu mu Luka 17:21: “Bukota bua Kalaga buli gamusamba.” (NTKI57) “Bukota bwa Kalaga buli gamusamba.” (Biblia Tafsiri ya Ulimwengu Mupya) Bukota bwa mwigulu bwabezaga “gesamba” Bafarisayo, mu bwisulilwa bwa buno, Yesu, wozo wasombwendwe na Kalaga buno angate nu kuba Mukota, abezaga emana lwabusio lwabo.—Luka 1:32, 33.
Bukota bwa Kalaga tabwabezaga mu mitima za bantu babi, bagunine Yesu nu kulonda kumwita
a Madini mingi mekwimanaga ma Kikristo mekwigisyaga buno Bukota bwa Kalaga buli mu mutima wa muntu. Anga, ku États-Unis kuli idini imozi likumanwa Baptiste (Southern Baptist Convention) lyatendile buno Bukota bwa Kalaga kili kyindi kya “bwangato bwa Kalaga mu mutima nu mu kalamo ka na muntu.” Bulingilingi na mamo makengelo, mu kitabu kyage kikumanwa Yesu Munazareti, Pape Benoît 16 atendile bunee: “Bukota bwa Kalaga bukuvwa kutingila mutima wa muntu uli na lwanzo.”