Marko

16 Sabato da nari goti, Maria Magdalene ma, Maria Yakobo dzá mama ma, Salome ma na dzingʉe djuu ngø ná tsó ndiri ndima rá d’ri Yesu dzá bʉ ro d’e. 2 Yenga ddo kana ya kwanza ddo dyi, go dyi si ro, ndrŭ singʉe kabuli* djo. 3 Føro ndrŭ ngʉ ri ti ndima kana: “Nde, kabuli tso ró dju ká ie si dze ko dho?” 4 Ro, ndrŭ ngbengʉe ndima nyǒ ro, ndrŭ njangʉeri dju le dze b’lo, nì mai fø dju ngʉe bbo ro. 5 Kabuli na ndrŭ tsu ro, ndrŭ njangʉe jadda ddikpa kpetsi ke, ndi ró kanzu na ndi kʉ ro ndirigoti thá djó ro ndi di ro. Føro ndrŭ nanga kengʉeni bbo. 6 Ro, malaika pongʉeri ndrŭ dho: “Nzɨ ni bba ni nanga keni. Ma chu ni Nazareti nǎ Yesu ne nari chu, tsú badjo ndrŭ tɨe ndi ro. Ke nga kʉ iga ri, ke gaga. Aninja ke le lae ná nga ena. 7 Ro, anira rid’ra ke unakpa ma, Petro ma na dho, ‘Ke da ni njí Galilea nǎ. Ni si nju ke na følu, ke d’rangʉeri ni dho nari bbai.’” 8 Kabuli nǎ ro ndima vʉ ro, ndrŭ d’angʉe d’a, ndrŭ ronga ngʉ tata ndirigoti ndrŭ nanga kengʉeni bbo. Ndrŭ nzá d’rangʉe fø lo ro ddikpa le dho maddi ri dhonalo ndrŭ do ngʉ nji.*