Ni ka ni liri nidhó familia é hwè na

Yova adi riji familia é hwè na. (Zb 127:3-5; Muh 9:9; 11:9) Nì mai ri kʉ føro, ko ka ko vi kodhó hwè vi i dz’ djó kpakpalo ma, kodhó familia nǎ ndrŭ nji ná kosa ma na djotsina. Nde, familia nǎ nja le ddiro ká ka ndi liri ngbaribbai familia nǎ ndrŭ é hwè na?

Dza ba dho ringani ndi njini ndibbá le na heshima na. (1Pe 3:7) Ndirigoti ndi di saa ba ndima di ndibbá le na. Ringani ke é bblo kʉ ná nganjadha na le nji ná lo djo ndirigoti ke di mbai po le nji ndi dho ndirigoti familia dho ná lo dho. (Kol 3:15) Ringani ke di ndi ji le ji nari po le dho ndirigoti ke di le máma.​—Mez 31:28, 31.

Ringani isɨle di ndibbá ke tsotso ndi ka ndi kó ná chu ne. (Mez 31:12) Le di djøni djø ke dho ndirigoti kpa di loti ddinga. (Kol 3:18) Le di bblo loti ke tso na ndirigoti ke djo.​—Mez 31:26.

Ringani gø dhi ndrŭ di saa ba ndima di ndima dhi nzø na. (Kum 6:6, 7) Ringani kpa di ripo ndima dhi nzø dho ndima ji kpa ji. (Mt 3:17) Ringani malipizi kpa bbʉ ná saa na kpa di jidha dhǒ ndirigoti kpa é lo utsod’idha na.​—Efe 6:4.

Ringani nzø di ngarr ndirigoti heshima bbʉ ndima dhi gø dhi ndrŭ dho. (Mez 23:22) Ringani kpa d’ra ngbaribbai ma ndima ndima mbu nari ma, ndima ddi ná lo ma na ndima dhi gø dhi ndrŭ dho. Ndirigoti ndima di ndima dhi gø dhi ndrŭ bbʉ ndima dho ná malipizi uu ndirigoti ndima di heshima bbʉ kpa dho.​—Mez 19:20.

ANINJA VIDEO ANINJI KPAKPANGA NI É HWÈ NA NIDHÓ FAMILIA NǍ D’E, NDIRIGOTI ANINGɄ I NGADHUDHA GOTI:

Nja le ddiro ká njie addu nja ndi liri familia é hwè na d’e?