SOMO 7

D’ʉ ndirigoti ngbà ndrŭ ka ndima u ná lo

Luka 1:3

LO DZÁ DɄNGA: Anjinjí d’ʉ kʉ ná lo na ndiro ni kó lo rr ná ndrŭ tsotso ndima ba bblo kʉ ná jibu d’e.

Ane d’ʉ kʉ ná lo ni ka ni ba ná nga. Abbari ni ti ná lo dyʉ ndi Mungu dzá lo ro ngbà ri ka ró. Njati rie siase po ná lo ma, ø vʉ ná lo ma, nja kʉ ná lo ma na djo ni loti ró, anji kpakpanga ni chu fø lo ká kʉ d’ʉ ndirigoti bbʉbbʉ nì nari.
Anjinjí bblo kʉ ná chu na ni ba ná lo na. Atu andiko nanga ri nǎ kʉ ná lo ma, Biblia ma, “chi njí dhi noke” dhó vichapo ma na adi ri nanga tu nari bbai. (Mt. 24:45) Anjinji nzá dyʉ ndi Biblia nǎ lo ró ná buku na bblo kʉ ná chu nǎ. Nzɨ ø ri nǎ lo thika ndirigoti nzɨ po d’ilo ri ndie ná ke poe ná lo ró ro.

Nzɨ po lo d’idhé inga nzɨ li kʉ (chumvi) lo na nzá le poeri nari bbai. Adi krr ndiro “nja ndrŭ” le ndi ná ngana nzɨ ni zø “bí kʉ ná ndrŭ,” “nja saa na” le ndi ná ngana nzɨ ni zø “krʉ ddo ró,” ndirigoti “ngbà ri ka ró” le po ná ngana nzɨ ni po “njaro.”
Aliri ndrŭ ddinga ni po ná lo djo. Andiko ni zø nari inga ddikpa lo ni d’ra nari goti adhunga nyodyu na inga abbʉ loroji ndiro ni kó lo rr ná ndrŭ tsotso ndima ba lo dhi jibu ndima ro d’e.