SOMO 14

Lo nǎ bbo na mana kʉ ná lo djo le loti nari

Waebrania 8:1

LO DZÁ DɄNGA: Ako nidhó lo rr ná ndrŭ tsotso ndima dyø nidhó hotuba ndirigoti adho ngbaribbai ma ri nǎ bbo na mana kʉ ná lo tso nju nidhó kusudi ma, ri nǎ lo djǒ ma na nari pʉlʉpʉlʉ.

RI NI KA NI NJÍ NÁ CHU:

Nidho ringani ni é kusudi na. Addinga nidhó hotuba chulu ká ni lo d’ra ndrŭ dho, longaddi ndrŭ dho inga ni ká ndrŭ ronga cho nari djo ndirigoti atayarisha nidhó hotuba fø lo ró ro. Aliri nidhó lo nǎ bbo na mana kʉ ná lo kó ndrŭ tsotso nja ni si nidhó kusudi djo d’e.

Adhuri ni tso: ‘Madhó lo rr ná ndrŭ ká ka ndima dhu ngbá lo inga ndrŭ ká ka ndima é ngbá ngaddidha na madhó i lo djo? B’lo ndima ba fø logoti nari goti ká kpa ka ndima dhú ngbá lo ndirigoti kpa ká ka ndima é ngbá ngaddidha na?’ Ndirigoti, akpe nidhó lo fø lo ró ro ndiro ndrŭ dyø ni, ndrŭ famu ni ndirigoti ndrŭ u ni ddi ná lo d’e.
Atilo nidhó hotuba djǒ djo. Nidhó hotuba kana angʉ ri nǎ bbo lo djolu bí ina, inga ri bbai di ná nja lo djolu.
Aliri ri nǎ bbobbo lo é wazi ndirigoti dhʉdhʉ. Avʉ nidhó hotuba djǒ na gbani ná bbo lo ndiri na ni ddi longa bblo pli nidhó bbʉni ná saa kana d’e. Nzɨ tilo bbobbo lo djo bí, bbobbo lo krʉ nanga atu pʉlʉpʉlʉ, atøni sese nja kʉ ná bbo lo djo ni da nari njí ndirigoti ada nja lo djo nzá ni rɨni bbo ro.

Lo tso ni nga ná saa djo, atilo nidhó hotuba nǎ bbobbo lo djo. Føri ka ndi kó kpa tsotso kpa rr lo bblo. Lo tso ni dya ná saa na, angʉ lo djolu vi ndiro lo rr ná ndrŭ djǒ nǎ lo b’ab’a d’e.