SOMO 55
Ako nidhó kutaniko tsotso
Dz’ djolu gble, mamilioni kʉ ná ndrŭ njínji Yova dho hwè na bí kʉ ná kutaniko lú. Kpa adi mbai po ndima dho lé ja ná lo dho ma, chutso ddadha dho ma, ndirigoti kpa adi kutaniko tsotso kó hwè na njonjo kʉ ná chulu. Nde ni ma ká adi nidhó kutaniko tsotso kó ddi?
1. Ni ká ka ni bbʉ nidhó saa ma, nidhó kpakpanga ma ngbá chu na nja ni kó kutaniko tsotso d’e?
Ko krʉ ka ko kó kutaniko tsotso ko. Loroji na, nidhó kutaniko nǎ ká kʉ ngó ngʉ ná le inga tsutsu ná le ro maddi? Ni ká ka ni kó kpa tsotso ngbà ndiro kpa si njudha dhi nga na d’e? Ni ka ni kó kpa tsotso ro njonjo kʉ ná chulu, loroji na ni ka ni bbʉ nyo ro ma kpa dho inga ni rá nga ro ma dzi kpa dho soko na ndirigoti ni thɨ kpa bbá nga ro ma. (Azø Yakobo 1:27.) Godhé ko ka ko bbʉ ko hwè na nja ko njí Pidhinga dzá dza na usafi ndirigoti ko thɨ ri ronga d’e. Jidha na ko kʉ Yova dho ndirigoti ko-djoi dho nari adi ko ronga cho ndiro “ko bbʉ [ko] ji ko nanga jini ro d’e.”—Zaburi 110:3.
Batiso ba ná Yova dzá Dimu ka ndima kó kutaniko tsotso bí kʉ ná chu nǎ. Bblo dhó kiroho kʉ ná le-djoi ka ndima ngʉ watumishi wa huduma inga wazee. Le-djoi ma, le-vei ma na ka ndima kó lod’radha dhi njí tsotso painia ndima ngʉ nari chulu. Nja kʉ ná kpa ka ndima kó ngatsotso Pidhinga dzá dza ndima chi nari na ma inga uhitaji na kʉ ná kutaniko tsotso ndima ra ko njonjo kʉ ná chulu nari na ma.
2. Kodhó kʉ ná ritsi na ká ko ka ko kó kutaniko tsotso ngbaribbai?
Ko ka “ko bbʉ madha Yova dho kodhó bbo ró dzi kʉ ná ritsi na.” (Mezali 3:9) Mbø ma, kodhó nja kʉ ná ritsi ma na ko bbʉ ndi kó kutaniko tsotso ndirigoti dz’ djolu gble njini ná lod’radha dhi njí tsotso nari adi hwè bbʉ ko dho. (Azø 2 Wakorinto 9:7.) Kodhó bbʉdha na le adi chʉ ngaba ná lo tsotso ma kó ddi. Bí kʉ ná ndrŭ adi “ritsi ro li nzina” ndiri ndima si bbʉ bbʉdha d’e. (Azø 1 Wakorinto 16:2.) Ko ka ko li kodhó muchango Yova ko má ná ngana kʉ ná sanduku na inga ko ka ko bbʉ ri Jw.org djó donate le ndi ná ngana. Yova jiri ko dhǒ jidha ndi dho kodhó kʉ ná ritsi ko bbʉ ndi dho nari chulu.
ANE LONANGA BBO
Anja ngbá chu nǎ ma ni ka ni kó kutaniko tsotso nari.
3. Ri ka ndi kaka ko bbʉ muchango
Yova ma, Yesu ma na nanga adi jini ndima dhi ji na ritsi bbʉ ná ndrŭ dhi lo dho. Loroji na, ddikpa bbangbai (mujane) ngʉe ná isɨle bbʉngʉe ndidhó karnø ngʉe ná mbøkpa Yova dho ná føri Yesu njangʉe bbo na mana kʉ ná lo. Azø Luka 21:1-4, ndirigoti anitilo i ngadhudha djo:
Ri ká ngani ko bbʉ bbʉdha bbo ndiro Yova é hwè na d’e?
Yova ma, Yesu ma na ká adi ndima rr ngbaribbai ko di bbʉdha bbʉ hwè na ró?
Ndiro ko nja ngbaribbai ma kodhó muchango na le adi njínji nari d’e, aninja VIDEO. Ndirigoti anitilo i ngadhudha djo.
Muchango na ká le adi dz’ djolu gble kʉ ná kutaniko tsotso kó ngbaribbai?
4. Ko ka ko bbʉ ko njonjo kʉ ná njí tsotsokodha dho
Biblia le ngʉ ndi ná saa na, Yova dzá ndrŭ ngʉ adi njínji kpakpanga na ndiro ndima thɨ ke dho ndima madha bbʉ ná nga d’e. Ro ri nga ngʉe lazima le bbʉ mbø dhé ri. Azø 2 Mambo ya Nyakati 34:9-11, ndirigoti anitilo i ngadhudha djo:
Waizraeli ká njingʉeri ngbǎ ndiro ndima thɨ Yova dho ndima madha bbʉ ná nga d’e?
Ndiro ni nja ngbaribbai ma Yova dzá Dimu adi Biblia nǎ le tilo djo ná ndrŭ dhó loroji dyø nari d’e, aninja VIDEO. Ndirigoti anitilo i ngadhudha djo.
Addudho ká ringani ko njí kodhó Pidhinga dzá dza dhi ngana usafi ndirigoti ko thɨ ri ronga bblo?
Ni ká ka ni kó ngatsotso ro ngbá chu nǎ?
5. Le-djoi ka ndima njinjí kpakpanga na nja ndima kó kutaniko tsotso d’e
Maandiko Wakristo kʉ ná le-djoi li kpakpa ndima njinjí ndima thí nǎ ro krʉ ndiro ndima kó kutaniko tsotso d’e. Ndiro ni nja ddikpa loroji d’e, aninja VIDEO. Ndirigoti anitilo i ngadhudha djo.
Video nǎ ni njari nari bbai, Ryan ká njie njí kpakpanga na ngbaribbai nja ndi kó kutaniko tsotso d’e?
Biblia d’ra le-djoi ka ndima njí ná lo ndiro ndima ngʉ watumishi wa huduma, ndirigoti wazee d’e. Azø 1 Timoteo 3:1-13, ndirigoti anitilo i ngadhudha djo:
Le-djoi tsó ká rinzini ndima njiri ngbà ndiro ndima ngʉ watumishi wa huduma ndirigoti wazee d’e?
Kpadhó familia dho ká ringani ndima dhó lo é ngbaribbai?—Anja verse 4 ndirigoti 11.
Le-djoi di kpakpanga nji ndima njinjí fø sifa na ró, ká kutaniko nǎ ndrŭ krʉ ka ndima ba ngbá faida?
NJA LE KA NDI DHURI: “Yova dzá Dimu ká adi ndima dhó njí tsotso ndima kó na ná mbø ba ngbaribbai?”
Ni ká ka ni ngʉ fø logoti ngbaribbai?
LO DZÁ DɄNGA
Yova nanga adi jini bbo ko di kpakpanga nji ko kó kutaniko tsotso kodhó saa na ma, kpakpanga na ma, ndirigoti kodhó kʉ ná ritsi na ma nari dho.
Lo djolu le ngʉ nari
Ko ká ka ko bbʉ kodhó saa ma, kpakpanga ma na ngbaribbai ndiro ko kó kutaniko tsotso d’e?
Ko ká ka ko njinjí ngbaribbai kodhó ritsi na ndiro ko kó kutaniko tsotso d’e?
Ni ká ka ni jieri ni kó kutaniko tsotso ngbá chu nǎ?
NI KA NI CHU NÁ NJA LO
Anja addudho ma Mungu nzɨ adi rinzi i ddo ró ndidzá ndrŭ bbʉ sehemu ya kumi ri nari.
“Biblia Inasema Nini Juu ya Kutoa Sehemu ya Kumi?” (Jw.org djó kʉ ná lo)
Aneri ni chu le “rine le ba madaraka” kutaniko nǎ nari nǎ mana ká kʉ addu ma nari.
“Unajitahidi ‘Kufikia’ Madaraka?” (Munara wa Mulinzi, 15 Mwezi wa 9, 2014)
Anja, nja kʉ ná Yova dzá Dimu bbʉ ndima hwè na nja ndima mba vichapo ndima lai Wakristo dho d’e nari.
Anja ngbaribbai ma kodhó njí tsotso adi koni bbʉdha chulu nari kʉ njonjo nja dini ró ro nari.
“Mashahidi wa Yehova Wanatoshaka Feza Wapi?” (Jw.org djó kʉ ná lo)