Aba maisha nǎ nyodyu dhi lo JW.ORG djó

Mungu dzá Lo adi ko tsotso kó bbo ndiro ko hwini ko bani na ná mbudha tso ró nga sini ná i saa na d’e. (2Ti 3:1, 16, 17) Ro, nja saa na kodhó lo ka ndi ú le tsotsokodha ndiro ko ba Biblia nǎ kanuni ndiri kó ko tsotso kodhó lo uri nari bbai d’e. Loroji na, ni ká kʉ gø dhi le ndirigoti ni ká shauri ne nzø ngudha dho? Ni ká kʉ jadda ke ndirigoti ni ká bani kpakpalo na nidhó udha djotsina? Inga ni thí ká kʉ njedha na ni bbá ke inga ni bbá le dhedhe nari dho? Ni ka ni ba ni tsotso ka ndi kó ná lo jw.org djó, nari ka ndi liri ni ba ngbà thonga ná kanuni ndiro ni hwini fø kpakpalo tso ró inga nja kpakpalo tso ró d’e.​—Mez 2:3-6.

Jw.org djó anji djo le tsu nanga nǎ, avʉ BIBLIA NǍ MAFUNDISHO. (Anja ji ya 1.) Iga le li ná liste djó ro avʉ ni nyǒ tho ná lo. Inga anja LIBRARY > NJONJO KɄ NÁ LO ndirigoti avʉ ni ji ná lo. (Anja ji ya 2.) Ni ka ni ba fø di ná lo JW Library djó^®.a Ni ka ni jiri ni zø ni nyǒ tho ná lo iga ro. Nja kʉ ná lo ni ka ni ba jw.org djó ro ni utafiti nji nari chulu.

Andi agʉro kʉ ná i lo, Aneri le ndi ná ngana ndirigoti avʉ ni ka ni ji ni zø ná lo.

• Nzø le ngu nari

• Jadda kpa thí adi bʉni dho ná lo

• Le lai ndoa le chi na ná ke inga ná le dhedhe nari