Atayarisha ni kpadjo nga djó ro dhé matunzo dhi lo dho

Ká addudho? Matunzo dhi lo ma, hopitale na le tsu nari ma na ka ndi banga nzá le ddi ná saa na. Føri dho, anji ngbà ni ka ni njí ná lo kpadjo nga djó ro dhé ndiro ni si matunzo ba bblo d’e. Fø ni njiri ngbà ró, føri na ni ridho ni heshima bbʉ nì shinga dho ndirigoti ju djo Yova bbʉ ná yadha dho.​—Mdo 15:28, 29.

Ni ká ka ni tayarisha ni ngbaribbai?

• Anji sala ndirigoti ajaza karte (DPA).a B’lo ba batiso ná wahubiri ka ndima kó karte DPA ndima dhó sekretere tsó ndima dho ndirigoti ndima kó karte d’identité (ci) ndima dhi nzá d’e dhi ná nzø dho

• Njati ni é lɨnga na ró, ako (S-401) Fiche d’information pour les femmes enceintes dhi kopi. Fø dokima si ni tsotso ko nja ni vʉ lonanga bblo dawa dhi lo djo lɨnga na ni sie inga ngba ni si gø ná saa na

• Njati nidhó matunzo ú ju inga ri uri le cho ni tso cho hopitale na ró, ad’ra nidhó lo nidhó wazee dho ndirigoti ad’rari hopitale nǎ kpa dho nari kʉ Yova dzá Dimu kana ddikpa ke si kʉ si ni ronga ro be thé

Wazee ká ka ndima kó ni tsotso ngbaribbai? Kpa ka ndima kó ni tsotso ni jaza karte DPA. Nì mai ri kʉ føro, wazee nzá ka ndima vʉ matunzo dhi lo nanga ni dho inga ndima vʉ nidho ringani ni vʉ nanga ná lo nga ri. (Ro 14:12; Gal 6:5) Njati ni d’rari wazee dho nidhó matunzo dhi lo u ju ró, kpa dho ringani ndima tilo lele Hopitale dhi lo djonga adi nja ná Komite na nidhó lo djo.

Hopitale dhi lo djó nga adi nja ná komite ká ka ndi kó ni tsotso ngbaribbai? Hopitale dhi lo djó nga adi nja ná Komite nǎ njínji ná le-djoi barie mazoezi ndiro ndima kó matunzo dhi lo na bani ná ndrŭ tsotso ndirigoti ndima chú kodhó nganjadha ká e ngbǎ ma ju djo nari d’e. Kpa ka ndima tilo matunzo bbʉ ni dho ná munganga na ndiro nzɨ ke tsu ju ni ro ró. Ngbà ri ka ró, kpa ka ndima kó ni tsotso nja ni tilo doktere na ju dhi lo djo d’e.

ANINJA VIDEO NGBARIBBAI MA LE KA LE VɄ LONANGA JU DJO MATUNZO DHI SAA NA NARI, NDIRIGOTI ANINGɄ I NGADHUDHA GOTI:

• I video nǎ ro ká ni ba ngbá somo ndiri si ni tsotso ko nidhó matunzo si ju u lele ró?

  Nidhó jibu