MUKRISTO DHÓ MAISHA
Yova adi ko tsotso kó ko ve mbudha tso
Nga sini ná i saa na, ko bani na ná kpakpalo kʉ bí. Nja saa na ko adi ko mbu nzá dho fø lo tso ka ndi veni nari bbai. Nì mai ri kʉ føro, njati ko di ko ndri chøchø Yova ro ró, ke ka ndi kó ko tsotso ko nja ko ve ko thí bʉni dho ná kpakpalo tso d’e. (Isa 43:2, 4) Mbudha na ko bani ná saa na ká ko ka ko ndri ko chøchø Yova ro ngbaribbai?
Sala. Njati ko d’ra ko thí nǎ kʉ ná lo krʉ Yova dho ró, ke ka ndi bbʉ ngoi ndirigoti kpakpanga ko dho nja ko ve ngatso d’e.—Flp 4:6, 7; 1Te 5:17.
Njudha. Anziro nga djolu, kodhó lo u kiroho nǎ nyo ma, ddi ngana ko njuni ko lai ndrŭ ma na nari bbo ndiro ko ba Yova dhó mafundisho d’e. (Ebr 10:24, 25) Njati ko di ko tayarisha njudha dho ndirigoti ko di komatere bbʉ ró, ko ka ko ba faida bbo Yova dhó roho takatifu chulu.—Ufu 2:29.
Lod’radha. Njati ko njí ngbà ko ka ko njí ná ritsi krʉ lod’radha dhi njí kana ró, ri ka ndi é sʉsʉ ko li ko thí bblo lo djo. Ko ka ko liri ko kana kau é kpakpa Yova na ndirigoti ko lai Wakristo ma na.—1Ko 3:5-10.
ANINJA VIDEO YOVA SI NI KO BBLO, NDIRIGOTI ANINGɄ I NGADHUDHA GOTI:
Malu tsotso ká addu kongʉe ndi é chøchø Yova ró mbudha dhi saa na d’e?
Zaburi 34:18 nǎ kʉ ná lo ká ka ndi pɨ ko iso ngbaribbai mbudha dhi saa na, ddiddi Malu iso ri pɨngʉe nari bbai?
Malu dhó loroji ká ridho ngbaribbai nari kʉ Yova adi “kodhó kpakpanga djolu da ná kpakpanga” bbʉ ko dho mbudha dhi saa na?—2Ko 4:7