WAKRISTO DHÓ MAISHA
Ngbaribbai ma le ka le njinjí Biblia le jifunza nari dhi video na nari
Biblia le jifunza nari dhi video kʉ 4 mahubiri nǎ ko adi njínji ndi na ro. Fø video dhó kusudi ká e addu?
Ni dho ká ringani ni chu Biblia nǎ lo addudho?—Da ri le li ndiri cho ndrŭ ronga Biblia nǎ longanedha dho rie ngbá dini nǎ ma ndrŭ kʉ ri ró. Fø video adi ndrŭ ronga cho ndima né Biblia nǎ lonanga ndiro ndima ba maisha nǎ ndrŭ adi dhu ndima tsó ná bbobbo ngadhudha goti ndirigoti ri tilo ro Biblia nǎ kʉ ná lo djo sese. Ri tu ngbaribbai ma le ka le nziri le jifunza Biblia nari nanga maddi.
Ni dho ká ringani ni chu Biblia nǎ lo addudho? (dʉ ri) ma di ddiddi ridzá da ri na, ro ri kʉ da ri nanga le ndo chøchø gbo ná ngatsi. Ri ka ndi kó nga tsotso bbo rie nga saa kʉ bbo ndrŭ dho ndima tilo ni na ri ró.
Ko ká adi Biblia jifunza ndrŭ na ngbaribbai? djǒ ripo ná video adi ndrŭ ronga cho ndiro ndrŭ nanga jini pá le Biblia nǎ longaddi ndima dho nari dho ndirigoti ri ngʉ bí kʉ ná ndrŭ adi dhú ndima tsó ná lo goti, føri kʉ ngbaribbai ma le ka le nziri le jifunza Biblia nari ro mai.
Bblo siddha ni dho Biblia nǎ longanedha dho djǒ ripo ná video le li le dhǒ ndi wanafunzi dho d’e. Ngbà mai le nji fø video dhó utangulizi buku Anji Maisha hwè theinga dho! nǎ paje ya pili djó ro, ri le ka le dhǒ Anji Maisha hwè theinga dho! dhi broshua nǎ ro le funzo nji ná saa na maddi. Fø video dho fø buku nǎ kʉ ná lo ndirigoti mwanafunzi ka ndi chú funzo dhi saa na ná lo.
Nì mai fø video krʉ dhó kusudi kʉ njonjo ro, ri le ka le dhǒ ndirigoti le chó ri nja ndrŭ dho rie ngbà ri ka ró. Wahubiri le li kpakpa ndiro ndima famu ri nǎ lo bblo ndirigoti ndima njinjí bblo ri na lod’radha dhi nji kana d’e.