Gø dhi ndrŭ​—Aniko nidhi nzø tsotso ndima ba Mungu dhó nyodyu

Gø dhi ndrŭ ka ndima kó ndima dhi nzø tsotso ndima ba Yova dhó nyodyu. Føri kpa ka ndima njí ná ddikpa bblo chu kʉ, ndima kó ndima dhi nzø tsotso nzø ba faida Wakristo dhó njudha nǎ ro. Jadda nzø nja ná lo ma, nzø rr ná lo ma ndirigoti nzø bbʉ njudha dhi ngana ná komatere ma na ka ndi kó nzø tsotso ndima chu lo Yova djo ndirigoti ndima kana kau é chøchø ke na. (Kum 31:12, 13) Njati ni é gø dhi le ró, ni ká ka ni kó nidzá ngba tsotso ngbaribbai ngba ba faida njudha nǎ ro d’e?

• Anji kpakpanga ni di si njudha na ni ronga na.​—Zb 22:22

• Adi saa ba ni li ni djoi ma, ni vei ma na kpakpa njudha njí inga njudha goti.​—Ebr 10:25

• Aneri ni chu nidhó familia nǎ ndrŭ krʉ dhó ká kʉ le si jifunza ná kichapo nì ma nari, ri é elektroniki dhi ri inga papie dhi ri ma ró

• Ako nidzá ngba tsotso ngba bbʉ komatere ndi nganga dhó lo na.​—Mt 21:15, 16

• Adi bblo lo ti njudha djo ndirigoti ri nǎ le adi bbʉ ko dho ná lojadha djo

• Ako nidhó nzø tsotso nzø di ngatsotso kó Pidhinga dzá dza nǎ usafi njidha na ndirigoti nzø di loti kutaniko nǎ ngø ngʉ ná ndrŭ na

Nzø tsotso ni kó ndima kana nga é chøchø Yova na ná føri kʉ kpakpa kʉ ná njí, ndirigoti nja saa na ri ka ndi njani si lo si ni djolu nari bbai. Ro, Yova ka ndi ko ni tsotso ko.​—Isa 40:29.

ANINJA VIDEO GØ DHI NDRŬ, ANILI NI THÍ YOVA MA, NDIDHÓ KPAKPANGA MA NA DJO, NDIRIGOTI ANINGɄ I NGADHUDHA GOTI:

• Zack ma, Leah ma na ngʉ njeni bbo nari ká ngʉe ngbá matokeo na kpa djo?

  Nidhó jibu

• Ká addudho ringani gø dhi ndrŭ nzi kpakpanga Yova tsó?

  Nidhó jibu

• Zack ma, Leah ma na ká lingʉe ndima thí Yova djo ngbaribbai ndiro ndima si ndima dhó kpakpalo djolu d’e?

  Nidhó jibu