Nga ni zø ná saa djo ka ndi kó ni tsotso ná lo

Aneri ni chu lo bbo Yova dhó bbo na mana kʉ ná sifa djo

Biblia ko zø ná saa na, ko ka ko njí utafiti ndiro ko famu ko zø ná lo bblo d’e. Biblia nǎ longa ko ne ná saa na nzɨ ko adi riji ko ndri b’lo ko churie ná lo ki dhé ri. Ro, ko adi rine ko chu lo bbo Yova dhó sifa djo, nari adi rili kodhó jidha dhidhi ke djo. Nja ko njiri fø d’e ko ka ko dhuri ko tso, ‘Biblia nǎ i lo ká ngbá lo ddi ma dho Yova djo?’

Loroji na, ni ka ni neri ni chu lo bbo ngbaribbai ma Yova adi jidha ma, nyodyu ma, chølo ma, kpakpanga ma na dhǒ nari djo. Nì mai ri kʉ føro Yova dhó sifa nga kʉ fø ngatsi dhé ri. Yova dhó bblo pli kʉ ná nja sifa ma kʉ ddi. Nde, ni ká ka ni chu lo bbo kedhó sifa djo ngbaga ro?

Anja kedhó 50 kʉ ná nja kʉ ná sifa Index des publications des Témoins de Jéhovah nǎ ɨ djǒ ripo ná bbo lo djǒ tsena “Jéhovah” ndirigoti i djǒ ripo ná re lo djǒ tsena “Qualités par nom.” Anji utafiti Biblia nǎ ro ni zø ná lo ronga lø ná lo djo. (Njati rie Musaada wa Kutafuta Habari kwa Ajili ya Mashahidi wa Yehova dhé ni ka ni ba ri ró, anja ɨ djǒ ripo ná bbo lo djǒ “Yehova Mungu” ndirigoti anja i djǒ ripo ná re lo djǒ “Sifa za Yehova.”)