Nga ni zø ná saa djo ka ndi kó ni tsotso ná lo

Ngbaribbai ma ni ka ni di bbi ddiddi anziro ko famue ná lo thika le ø nari na nari

Ko di nǎ nari kʉ bbo thonga ná saa. Yova ra anzi ndidzá lo djo ndi lonanga tu ko dho nari na nzá ri ro d’erie njini anziro nari bbai. (Da. 12:4) Nì mai ri kʉ føro, nja saa na ri ka ndi é kpakpa ko dho ko ø anziro ko famue Biblia nǎ bbʉbbʉlo djo ná lo thika. Nde, ko ká ka ko ba lo thika le ø nari ma, lo nanga le tu nari ma na ngbaga?

• Index des Publications nǎ ɨ djǒ ripo ná lo “ Compréhensions affinées ” nǎ le dho njonjo kʉ ná cho nǎ le ø thika ná lo dhi liste krʉ. Ddikpa liste djó kʉ ná njonjo kʉ ná lo ni ba d’e, atsu “ Compréhension affinée ” (Giyeme ma na atsu ri krʉ) le ndi ná ngana Watchtower Library inga Watchtower MAKTABA KU ENTERNETE^™ nǎ lo le ne ná ngana.

• Musaada wa Kutafuta Habari kwa Ajili ya Mashaidi wa Yehova nǎ kʉ njonjo kʉ ná lo djǒ kʉ djó ná liste. Ara “Mashaidi wa Yehova” le ndi ná ngana ndirigoti “Mambo Yenye Mashaidi wa Yehova Wanaamini” le ndi ná ngana ndirigoti “Mafasirio Mapya Juu ya Mambo Yenye Tunaamini” le ndi ná ngana.

Ddiro ni adi lo ro jifunza nari dhi programu nǎ, ká ni ka ni neri ni chu ø da ná ddo kana le ø thika ná lo ro nzá ndirigoti ni njí utafiti i ddo ró le tu nanga ná lo ma, ri thika ká le ø addudho ma nari djo Biblia d’ra ná lo ma na djo nzá?