Ngbaribbai ma chenga zø ngʉ adi njini nzá Mungu d’engʉe le ødha dhi be bbʉ ro nari

Ko zø ka ndi njini Yesu bbʉngʉe ndi le ødha dhi be nari chulu dhé. (Efe. 1:7) Biblia ripo: “Mungu, ndidzá zølo dho ngʉ adi ndrŭ dhi chenga zø njinji drrdrr,” føri ngʉe Yesu bbʉ le ødha dhi be nari njí. (Ro. 3:25, maelezoya chini) Yova ká ngʉ adi ndrŭ dhó chenga zø nji ngbaribbai le ødha dhi be njí ndirigoti ndi b’o ndidzá chø kʉ ná yadha ronga?

Yova tsongʉeni nari kʉ ddikpa “gø” ka ndi sie thé ndiro ndi gø nì kʉ udha na ndi djo ndirigoti ndidhó tsodha djo ná ndrŭ d’e. Fø tsodha ke njingʉe ná saa na ri ngʉ njini b’lo ke bbʉ le ødha dhi be nari bbai. (Mwa. 3:15; 22:18) Mungu chungʉeri nari kʉ bblo kʉ ná saa na ndi si ndidzá ddikpa dhé kʉ ná Ngba bbʉ le ødha dhi be. (Gal. 4:4; Ebr. 10:7-10) Dz’ djó Yesu ngʉe ná saa na, Yova bbʉngʉe kpakpanga ke dho ke njí chenga zø nzá le d’engʉe le ødha dhi be bbʉ ro. Yesu ka ndi njie ngbà u ndi ná ndrŭ dhi chenga zø ngbà dhonalo ke chungʉeri ndi si bbʉ ná bbʉdha chulu ndrŭ dhi chenga zø ka ndi njieni ngbà.​—Mt. 9:2-6.