Achu lo ji nǎ ro

Kodhó vichapo nǎ ji e bí, ná ri adi bbo na mana kʉ ná longaddi ko dho. Ni ká ka ni njínjí fø ji na ngbaribbai ndiro ri kó ni tsotso d’e?

• Ddiddi rie bbo djuni ná nyo le nja ná saa na, le adi riji le nyo ri thei nari bbai, anja ji i vi lo ni zø nari njí. Fø ji ka ndi thǒ ni nyǒ ndirigoti ri ka ndi cho ni ronga ni zønga bbò ù na. Føri dho adhuri ni tso, ‘Ma ká nja addu?’​—Amo. 7:7, 8.

• Lo ni zø ná saa na, addinga addudho ma le vʉe fø ji nari djo. Azø ji djó longa le tu nari nì rié ró. Anja ji ma ronga ká nju ngbaribbai ma paragrafu nǎ kʉ ná lo na ndirigoti ngbaribbai ma ni ka ni njínjí ri nǎ ro ni ba ná somo na ni nganga dhó maisha nǎ nari.

• Nga ni zø nari goti, angʉ ji djolu vi ndirigoti anjinjí ri na ndiro ri kó ni tsotso ni nó bbo na mana kʉ ná longa d’e. Amburi ni nó ji nga ni djǒ nǎ ndirigoti krʉ ni nja ná ji ká ddi ngbá longa ni dho nari.

• Anja i gazeti nǎ kʉ ná ji ki vi ndirigoti anja ni ká ka ni nó ri nǎ ro ni chue ná longa ngbà ma nari di.