SOMO 44
Mungu nyǒ ká krʉ kʉ ná fete adi thotho?
Yova jiri ko njí maisha hwè ndirigoti ke jiri nja saa na ko njí fete ro ma ddi. Nde, fete krʉ ká adi Mungu nyǒ thotho? Ko ká ka ko dhǒ jidha Yova dho ngbaribbai fø lo kana?
1. Bí kʉ ná fete ká adi hwè bbʉ Yova dho nzɨ addudho?
Bí kʉ ná fete nzá dyʉ ndi ro Biblia ddi ná lo ró ri ndirigoti ri tso wapagani ngangʉe nari ni chu ró, ni nanga ka ndi keni ke. Fø di ná fete tso nju kali dhi dini na. Ri chulu ndrŭ ka ndima gba ndima tso uchawi dhi lo na ma, inga ndima di riddi nari kʉ nafsi ro nzɨ adi dhe ri. Nja kʉ ná fete dyʉrie ndi kali dhi lo ró (ushirikina) inga nzá ka ndi njini ná lo ndrŭ u nari ró. (Isaya 65:11) Yova rija ndidzá ndrŭ dho: “Anituni ro . . . ndirigoti nzɨ ni lø nzá tsetse ná ritsi ronga.”—2 Wakorinto 6:17.a
2. Ndrŭ madha ba nǎ ro ná bbobbo ddo dho ká Yova adi ndi mbu ngbaribbai?
Yova rija ko dho, nzɨ ko “li ko thí ndrŭ djo.” (Azø Yeremia 17:5.) Nja kʉ ná bbobbo ddo ndrŭ lirie ndiri na ndima bbʉ madha pikpa dho, inga bbasødda dho d’e. Nja kʉ ná ddo na, ndrŭ adi heshima bbʉ ndima dhó ngø nǎ drapo dho inga ndima dhó ngø bangʉe uhuru nari dho. (1 Yohana 5:21) Nja kʉ ná ddo na, ndrŭ adi heshima bbʉ politiki nǎ lo dho inga ndima dhó sosiete dho. Yova ká ka ndi mbu ndi ngbaribbai njati ko di nzá ka ndrŭ dho ná madha bbʉ ddikpa le dho inga ddikpa tengenezo dho ró?
3. Mungu adi nja fete tso u nzɨ dho nari ká kʉ ngbá nyi?
Biblia gʉ “bbo le wa jø nari ma, ʉna dhi fete le nji nari ma, [ndirigoti] ddi lé le ddi nja ndrŭ na wa jødha dho nari ma na.” (1 Petro 4:3) Nja kʉ ná fete dhi ngana, nzɨ ndrŭ adi ndima ronga tso ro cho chelo njidha ró ri ndirigoti ndrŭ adi uasherati ma nji. Ndiro ko kana kau di chøchø Mungu na d’e, ringani ko pʉ che kʉ ná nyi krʉ ko ró ro.
ANE LONANGA BBO
Aneri ni chu ngbaribbai ma ni ka ni bbʉ hwè Yova thí dho nari, nyodyu na ni lo nanga vʉ bbobbo ddo djo inga nja fete djo ná saa na.
4. Nzɨ gba ni tso nzɨ madha bbʉ Yova dho ná fete na
Azø Waefeso 5:10, ndirigoti anitilo i ngadhudha djo:
Ri ká ngani ko ddinga ngbá lo djo ndiro ko chu ko ká ka ko njí ddikpa fete njí ma inga nzá ma nari d’e?
Ni di ná ngana bbo ndrŭ adi nji nari ká kʉ ngbá fete?
Ni ká riddi fø fete adi Yova nyǒ thotho?
Loroji na, Yova ká adi le gøni ná ddo le má nari nja ngbaribbai ma nari ro ká ni d’erie dhu b’lo ni tso? Biblia pori Mungu dho ngʉ njínji ná ndrŭ kana ddikpa le ma nzá ddi mangʉe ndi gøni ná ddo ro ri. Ro ri pori nari kʉ ndima gøni ná ddo mangʉe ná kpa ngʉe aro dhé, ndirigoti fø kpa ngʉe nzɨ ngʉ njínji Yova dho ná kpa. Azø Mwanzo 40:20-22 ndirigoti Matayo 14:6-10. Ndirigoti anitilo i ngadhudha djo:
Ndima gøni ná ddo mangʉe ná aro kʉ ná kpa dhó nju tso nju nari ká kʉ ngbá lo?
Biblia d’ra ná fø lo ró ro, ni ká riddi Yova adi ndi mbu ngbaribbai le gøni ná ddo le má nari dho?
Godhé ni ka ni dhuri ni tso, ‘Yova ká adi le gøni ná ddo le má nari ma, nzá djo Biblia tilo ná ddo le má nari ma na nja che bbʉbbʉ?’ Azø Kutoka 32:1-8. Førigoti aninja VIDEO, ndirigoti anitilo i ngadhudha djo.
Mungu nyǒ tho ná lo ká ringani ko ne ko chu addudho?
Fø ká ko ka ko njiri ngbaribbai?
Ngbaribbai ma ko ka ko chu nzá tho Mungu nyǒ ná fete nari
Ri nǎ lo tso ká nju nzá Biblia ddi ná lo na? Ndiro ni ba fø logoti d’e, aneri ni chu ngbaribbai ma ri tso ngangʉeni nari.
Ri ká nzá thonga ná madha bbʉ ndrŭ dho, ndrŭ dhó tengenezo dho inga drapo dho? Ko adi madha bbʉ Yova dho ndrŭ dho ko ka ko bbʉ madha nari djolu ndirigoti ko uri u ke ddiro dhé si dz’ djó kpakpalo tso d’ød’ø.
Fø fete dhi saa na, ndrŭ nji nari ká kʉ nzá gbani Biblia nǎ yadha na ná lo? Ringani ko é tse ko tse ro kodhó ngaddidha ró.
5. Ako nja ndrŭ tsotso ndiro ndrŭ bbʉ heshima ni u ná lo dho d’e
Njati nja ndrŭ di ni cho kpakpanga na, ni njí nzá tho Mungu nyǒ ná fete ná saa na ri ka ndi e kpakpa ni gʉ ri gʉ. Atu nidhó longa ndrŭ dho nì ni ngatsove ro ndirigoti heshima na. Ndiro ni chu ngbaribbai ma ni ka ni njí føri nari d’e, aninja VIDEO.
Azø Matayo 7:12, ndirigoti anitilo i ngadhudha djo:
I verse ripo nari bbai, nidho ká ringani ni d’rari nidhó familia nǎ nzá u Yova ná ndrŭ dho nari kʉ, nzɨ kpa nji nja kʉ ná fete?
Nde nidho ká ringani ni njiri ngbǎ ndiri na ni dhori nari kʉ, nzɨ mai ni fete nji kpa ma na ro, ni ji kpa ji ndirigoti ni kpa nja mana na ni?
6. Yova jiri ko é hwè na
Yova adi riji ko ba saa ndiro ko di ddinga kodhó familia ma, kodhó bbakau ma na hwè na. Azø Muhubiri 8:15, ndirigoti anitilo i ngadhudha djo:
Yova jiri ko é hwè na nari ká i verse dhǒ ngbaribbai?
Yova adi riji ndidzá ndrŭ ba saa ndiro ndima di ddinga nja ndrŭ ma na hwè na. Aninja VIDEO ndiro ni nja ngbaribbai ma ndrŭ adi rinji fø asamble eternasionale nǎ nari d’e.
Azø Wagalatia 6:10, ndirigoti anitilo i ngadhudha djo:
Ri ká ngani ko má bbobbo ddo ndiri na ko njí “bblo lo” nja ndrŭ dho d’e?
Addui ká ka ndi bbʉ hwè ni dho: Ri ká kʉ kpakpanga na le ni cho ndiro ni bbʉ kado fete dho nari inga ni nanga jini nari dho ni ri bbʉ nari?
Bí kʉ ná Yova dzá Dimu adi saa ba ndima di ddinga ndima dhi nzø ma na ddikpa pekee kʉ ná saa na ndirigoti kpa adi kado ma bbʉ ddi nzø dho. Njati nidhó é nzø ró, ni ká ka ni njí ngbá pekee kʉ ná lo nzø dho?
NJA NDRŬ ADI RIPO: “Ngbaribbai ma fete tso ngangʉeni ná føri nga kʉ mana na bbo ri. Ro bbo na mana kʉ nari kʉ le saa ba le di ddinga ledhó familia ma, ledhó bbakau ma na nari.”
Ni ká ka ni poeri ngbǎ?
LO DZÁ DɄNGA
Yova adi riji ko nji hwè kodhó familia ma, kodhó bbakau ma na. Ro ke jiri nzɨ ko nji nzá tho ndi nyǒ ná fete.
Lo djolu le ngʉ nari
Ko ká ka ko dhu ngbá lo ko tso, ndiro ko chu ddikpa fete ká tho Yova nyǒ tho ma inga nzá ma nari d’e?
Ko ká ka ko kó kodhó familia ma, kodhó bbakau ma na tsotso ngbaribbai ndiro kpa famu ko vʉ nanga fete djo ná lo d’e?
Yova jiri ko é hwè na nari ká ko chu ngbaribbai?
NI KA NI CHU NÁ NJA LO
Anja nzɨ Wakristo adi má ná bbobbo ddo.
“Juu ya Nini Mashahidi wa Yehova Hawafanyake Sikukuu Fulani?” (Jw.org djó kʉ ná lo)
Le gøni ná ddo le má nari nzɨ adi Mungu nyǒ tho ri, nari ko u dho ná lo ro anja tho.
“Juu ya Nini Mashahidi wa Yehova Hawafanyake Sikukuu za Kuzaliwa?” (Jw.org djó kʉ ná lo)
Ddikpa jadda ke lai darasa nǎ nzø ke bé pa ke nzɨ Noli dhi fete njiri nari dho. Anja ngbaribbai ma ke kpadhó logoti ngʉ heshima na nari.
Mamillioni kʉ ná Wakristo vʉri ndima nzɨ nji Noli dhi fete ri. Kpa ká adi ndima mbu ngbaribbai ndima vʉ longa fø nari dho?
“Walipata Jambo Nzuri Zaidi Kuliko Noeli” (Munara wa Mulinzi, 1 Mwezi wa 12, 2012)
a Anja Longatudha ya 5 ndiro ni chu ni ka ni njí ná lo bbobbo ddo ndrŭ má ná saa na d’e.